Almatyda BI Group kompanıasy salǵan Arena Park turǵyn úı keshenin jańbyr sýy basqan, dep habarlaıdy Dalanews.kz.

Oqıǵa eki kún buryn bolǵan. Áleýmettik jelide taraǵan vıdeoda birinshi qabatty sý basqany anyq kórinedi.

Máselege qatysty BI Group basshylyǵy túsinikteme bergen. Kompanıa ókilderiniń aıtýynsha, órt sóndirý stansıasyndaǵy qubyr jarylyp, sonyń saldarynan 5-bloktyń birinshi qabatyn sý basqan.

“Injenerlik qyzmet mamandary dereý oqıǵa ornyna jiberildi. Qazirgi tańda sýdy soryp shyǵarý jáne apattyń saldaryn joıý jumystary júrip jatyr”, – delingen kompanıa habarlamasynda.

Al vıdeo avtory bul jaǵdaıdyń birinshi ret  emes ekenin eske saldy.

“Bul tek 5-shi blokta emes, 7-blokty da bir apta boıy sý basyp jatyr. Qashanǵa deıin osylaı jalǵasady? Qoımadaǵy búkil zatymyzdyń byt-shyty shyqty, bárin tastaýǵa týra keldi”, — dep jaýap qaıtarǵan ol.