Sý resýrstary jáne irrigatsiia ministrligi ókilderi OKQ alańynda vegetatsiia kezeńiniń ótý barysy jáne sharýalardy sýmen qamtamasyz etý maqsatynda qabyldanyp jatqan sharalar týraly habardar etti, dep habarlaidy dalanews.kz.
Vegetatsiia kezeńi turaqty ótýin qamtamasyz etý úshin sýarý maýsymyna daiyndyq byltyr jyl sońynda bastalǵan. Jergilikti atqarýshy organdar jáne sý sharýashylyǵy uiymdarynyń qatysýymen birqatar keńes ótkizilip, qajet sharalar aiqyndalǵan.
Aýyl sharýashylyǵy ministrligi 2024-2028 jyldarǵa arnalǵan ylǵalsúigish daqyldardyń, onyń ishinde kúrishtiń egis alqaptaryn qysqartýdy kózdeitin jol kartasyn bekitken.
"Jol kartasynda aiqyndalǵan egis alqaptarynyń qurylymy men maýsym basyndaǵy sý sharýashylyǵy jaǵdaiyna sáikes ońtústiktegi bes óńirde sý paidalaný limiti bekitildi. Qyzylorda oblysyna 3,2 mlrd tekshe metr, Túrkistan oblysyna 3,8 mlrd tekshe metr, Almaty oblysyna 2,1 mlrd tekshe metr, Jetisý oblysyna 1,8 mlrd tekshe metr, Jambyl oblysyna 900 mln tekshe metr sý limiti belgilendi", - dedi sý resýrstaryn retteý, qorǵaý jáne paidalaný komitetiniń tóraǵasy Seiilbek Nurymbetov baspasóz konferentsiiasynda.
