Berik Ýáli Ulttyq arnanyń Direktorlar keńesiniń tóraǵasy bolyp sailandy
Berik Ýáli 1977 jyly týǵan. T.Q.Júrgenov atyndaǵy Qazaq memlekettik teatr jáne kino institýtyn kinotanýshy mamandyǵy boiynsha, Ál-Farabi atyndaǵy Qazaq ulttyq ýniversitetiniń magistratýrasyn jýrnalistika mamandyǵy boiynsha, Qazaq innovatsiialyq gýmanitarlyq zań ýniversitetin quqyqtaný mamandyǵy boiynsha bitirgen.
Eńbek jolyn «Tań» telearnasynyń tilshisi bolyp bastap, túrli jyldary «31 arna», «Habar», «Qazaqstan» telearnalarynyń redaktory jáne júrgizýshisi bolyp eńbek etti.
Sybailas jemqorlyqqa qarsy «Nur Media» media ortalyǵyn basqarǵan.
OQO ákimi apparaty basshysynyń orynbasary, OQO Ishki saiasat jáne din isteri basqarmasynyń basshysy, Jambyl oblysynyń Ishki saiasat basqarmasynyń basshysy, «Nur Otan» partiiasy tóraǵasynyń birinshi orynbasarynyń keńesshisi, QR Investitsiialar jáne damý ministriniń keńesshisi jáne aqparattyq qamtamasyz etý departamentiniń direktory qyzmetterin atqarǵan.
2019 jylǵy naýryzda Memleket basshysynyń Ókimimen Qazaqstan Respýblikasy Prezidentiniń Baspasóz hatshysy bolyp taǵaiyndaldy.
Sonymen qatar 2019 jyldyń qyrkúiek aiynda «QR Prezidentiniń Teleradiokesheni» KEAQ Direktorlar keńesiniń tóraǵasy bolyp sailandy.
