Abai oblysy ákimdiginde aimaq basshysy Berik Ýálidiń tóraǵalyǵymen «Taza Qazaqstan» baǵdarlamasynyń aimaqta júzege asyrylýy boiynsha jiyn ótti. Otyrysqa basqarma basshylary, óńirlik departament jetekshileri jáne qala-aýdan ákimderi beine rejimde qatysty, – dep habarlaidy Dalanews.kz.
Jiynda Semei qalasynyń ákimi Talǵat Muratov pen tabiǵi resýrstar jáne tabiǵatty paidalanýdy retteý basqarmasynyń basshysy Ainur Aqmyrzanyń esebi talqylandy.
Qala ákiminiń aitýynsha, 5 sáýirde oblys ortalyǵynda ótken jalpyqalalyq senbilikke 12 myńnan astam adam qatysqan. Al oblys boiynsha tazalyq aktsiiasyna 21 myńǵa tarta turǵyn qatysyp, 749 uiym men 338 tehnika jumyldyrylǵan.
Alaida atqarylǵan jumystardyń nátijesi kóńil kónshitpeidi. Oblys ákimi jiynda Semei qalasyndaǵy tazalyq jumystarynyń laiyqty deńgeide júrgizilmegenin, senbilikte jinalǵan qoqystardyń der kezinde shyǵarylmai jatqanyn synǵa aldy.
«Meniń bir apta buryn jariialaǵan beineúndeýimdi halyq jaqsy qabyldady. Bastamaǵa qoldaý bildirip, senbilikke shyqty. Alaida Semei qalasyndaǵy senbilikte jinalǵan qoqys tolyq shyǵarylmai jatyr. Halyq áleýmettik jelide narazylyqtaryn bildirýde. Turǵyndardyń eńbegi zaia ketpeýi kerek. Qala turǵyndary men qonaqtaryna jaily jaǵdai jasaý, shahardy taza ustaý - bizdiń mindetimiz» - dedi aimaq basshysy.
Jiynda Semeidegi qoǵamdyq kólik qyzmetiniń sapasyna qatysty da syn aityldy. Avtobýstardyń júrý kestesi men ýaqytyn, sondai-aq kólikterdiń marshrýtqa shyǵýyn qadaǵalaý jumystarynyń álsizdigi atap ótildi.
«Avtobýstardyń tehnikalyq jáne sanitarlyq jaǵdaiy syn kótermeidi. Qoǵamdyq kólikter kún saiyn jýylyp, salony tazartylyp turýy kerek. Kólik basqarmasy bul máseleni qatań baqylaýda ustaýy qajet», – dedi oblys ákimi.
Aimaq basshysy Semei qalasynyń ákimine tazalyqqa jaýapty merdiger kompaniianyń jumys sapasyna baqylaýdy kúsheitýdi, jergilikti politsiia basqarmasymen birlesip zańsyz qoqys oryndary boiynsha aiyppul salý jumystaryn júrgizýdi, senbilikten keiin jinalǵan qoqystardy bir táýlik ishinde shyǵarýdy, kóshelerdi kúndelikti jýyp otyrýdy tapsyrdy.
Sonymen qatar, kásipkerlerdiń óz aýmaqtarynda sanitarlyq tártipti saqtaýyn qamtamasyz etý, qaladaǵy kópqabatty úilerdiń aýlalaryn tártipke keltirý, kógaldandyrý jumystaryn aldyn ala josparlap, naqtylaý qajet ekeni atap ótildi.
«Osy baǵyttaǵy jumystardy jandandyrý maqsatynda arnaiy tapsyrma-jospar ázirlendi. Oblys ortalyǵyn birneshe sektorlarǵa bólip, onda atqarylatyn tazalyq jumystaryna jaýapty retinde óz orynbasarlarymdy, apparatty jáne basqarmalardy bekittim. «Taza Qazaqstan» bir rettik emes, jyl boiy jalǵasatyn úlken baǵdarlama. Prezident Ákimshiligi tikelei baqylaýda ustap otyr. Tazalyq aktsiiasy Semeide ǵana emes, barlyq qala-aýdandarda júrgiziledi. Oblys ákiminiń inspektorlaryna muny qatań qadaǵalaýdy tapsyramyn. Tazalyq sharalary boiynsha endi apta saiyn jinalys ótkizip, aýdandardyń, tiisti organdardyń esebin tyńdaityn bolamyz» dedi oblys ákimi.
