Berik Ýáli QR Investitsiia jáne damý ministriniń keńesshisi qyzmetine taǵaiyndaldy
"Tanymal telejýrnalist, qoǵam belsendisi Berik Ýáli QR Investitsiialar jáne damý ministrligine jumysqa kelip jatyr. Berik Ýáli búginnen bastap ministrdiń keńesshisi ári qoǵammen bailanys bóliminiń meńgerýshisi bolyp taǵaiyndaldy", – dep jazdy QR Investitsiialar jáne damý ministri Jeńis Qasymbek.
Onyń aitýynsha, ministrlikte Aqparattyq qamtamasyz etýmen ainalysatyn arnaiy departament qurylýda. Aldaǵy ýaqytta ministrlik osy departament arqyly qoǵammen bailanysty kúsheitýdi kózdep otyr.
Berik Ýáli jýrnalistika salasynda jinaǵan tájiribesin sońǵy jyldary memlekettik qyzmette de tiimdi ushtastyryp keledi. OQO ákimi apparaty basshysynyń orynbasary – baspasóz qyzmetiniń basshysy, OQO ishki saiasat jáne din isteri basqarmasynyń basshysy, «Nur Otan» partiiasy Tóraǵasy Birinshi orynbasarynyń keńesshisi qyzmetterin abyroimen atqarǵan.
«Óz kezegimizde Berik Ýálidi jańa qyzmetimen quttyqtap, ministrliktiń jumysyn halyqqa jaqyndatýǵa baǵyttalǵan igi isterdiń bastamashysy bolady dep senemiz», – dep jazdy Jeńis Qasymbek.
