Kerımgýly Berdimýhamedovke "ulttyq ónerdi jańa shyǵarmalarymen baıytyp, merekelik sharalardy sátti oryndap júrgeni úshin" altyn alqa taǵylyp, 3500 manat (1000 dollar) syıaqy berilgen.

"Týrkmen Altyn asyry" dep atalatyn baıqaý jyl saıyn el táýelsizdigi kúni qurmetine ótkiziledi.

Kerımgýly túrkimen prezıdentiniń eń tanymal nemeresi. Ol atasynyń (prezıdenttiń) óleńderine án jazady ári ony túrli konserttik sharalarda birge oryndap júr. 2019 jyly "Karakým" ánin ekeýi oryndaǵan. Bıyl sáýir aıynda At jarysy ulttyq merekesinde de atalǵan ándi birigip oryndady.

https://youtu.be/EnWE19Y1ABo

2019 jyly "túrkimen prezıdentiniń densaýlyǵy kúrt nasharlady, Berdimuhamedov muragerlik operasıasyn bastady" degen qaýeset shyqqan. Keıbir basylymdar sol kezde prezıdent ornyna uly Serdardy daıyndap jatyr" dep jazdy. Ol qazir elinde óndiris jáne qurylys mınıstri. Sol tusta saıasattanýshy Arkadıı Dýbnov túrkimen prezıdenti nemeresi Kerımgýlyny da úlken saıasatqa ákelýi múmkin degen.

"Birneshe jyl buryn Túrkimenstanǵa is saparǵa jıi baratyn joǵary laýazymdy sheneýnik prezıdenttiń qaramaǵyndaǵy adamdar Kerımgýlynyń aıaǵyn súıedi dep aıtyp kelgen. Olar nemeresine de ant berýge daıyn. Ol kezde nemeresi bar bolǵany jeti-segiz jasta bolatyn", – degen saıasattanýshy.