– Endi jastardy qoiyp jatyrmyz. Olarǵa múmkindik berýimiz kerek. Qyzdar da bileý kerek. Qarańyzdarshy, Sániia Musaqyzy (Qaldyǵulova, Aqtóbe oblystyq máslihatynyń hatshysy — «Tilshi») qandai abyroily, qansha jyldan beri osy oblystyń basshylyǵynda júr. Sániianyń sińlileri de (qyzmette — avt.) kóterilýi kerek, - dedi oblys basshysy.
Berdibek Saparbaev Bulbul Kúzembaevanyń bilikke kelgenine qatysty qańqý sóz aitqandarǵa shúilikken sekildi.
– «Oibai, myna qyzdy nege qoidy» dep shýlap jatyrmyz. «Ol qyz ne istei alady, qolynan ne keledi» deimiz. Keshegide Oiylda bolǵanymda osy jóninde aittym. Osy jerde otyrǵan azamattarǵa «aralaryńyzǵa bir qazaqtyń qyzy keldi, ony qoldańyzdar» dedim. Osy qyzdyń jamanyn jasyryp, jaqsysyn asyryńyzdar. Qoldaý tanytyp, kómektesseńizder. Eger durys jumys istemei jatsa, taǵy da kóre jatarmyz, – dedi Saparbaev.
Aita keteiik, Oiyl aýdanyna ákim bolyp taǵaiyndalǵanǵa deiin Bulbul Kúzembaeva Mártók aýdany ákiminiń orynbasary qyzmetin atqardy. 1978 jyly dúgniege kelgen. Joǵary bilimdi, 2000 jyly Batys Qazaqstan memlekettik ýniversitetin «Mýzyka muǵalimi» mamandyǵy boiynsha támamdaǵan.
Eńbek jolyn №2 Mártók orta mektebinde án sabaǵynyń muǵalimi qyzmetinen bastaǵan. 2003-2007 jyldar aralyǵynda mektep direktory qyzmetin atqarady, 2007 — 2010 jyldary — Mártók aýdandyq mádeniet jáne tilderdi basqarý bóldiminiń basshysy.
2010-2011 jyldary Aqtóbe oblysy balalardy qorǵaý departamentinde bólim basshysy qyzmetin atqardy, 2011 jyldyń qyrkúieginen beri Mártók aýdany ákiminiń orynbasary qyzmetinde boldy.
Derekkózi: rgmedia.kz
