Túrkistan qalasyndaǵy jumyrtqa óndirý baǵytynda jumysyn júrgizip jatqan «Iassy» qus fermasy ekinshi kezeńin iske qosty. Onda belgıalyq «Valı» fırmasynyń qural-jabdyqtary ornatylǵan. Budan bólek, fermaǵa 30 myń dana golandıalyq «Dekalb» tuqymdy shójek ákelindi.

2016 jyly ıtalándyq «Fakko» fırmasynyń qural-jabdyqtarymen birinshi kezeńin iske qosqan jeke kásipker A.Syzdyqov germanıalyq «Loman LSL» tuqymdy 18 myń dana taýyq ósirip, kúndigine 16 myń dana, al jylyna 3,5 mln jumyrtqa óndirgen.

Búginde kásiporynnyń aýqymy keńeıip, jyldyq ónimi 6-7 mln dana jumyrtqany qurap otyr. Qus fermasynyń jalpy jer kólemi 15,0 gektar. Munda tájirıbeli veterınar mamandar men qatar 18 jumysshy eńbek etedi.

Germanıa tehnologıasy boıynsha jumys isteıtin bul óndiris qazir qala turǵyndaryn sapaly ónimmen qamtamasyz etip otyr. Mundaǵy taýyqtardyń azyǵy fermanyń ózine tıesili salynǵan shaǵyn azyq saqtaıtyn qoımada daıyndalady. Qospaly azyqty daıyndaıtyn arnaıy sońǵy úlgidegi tehnıkany da aldyryp, búginde qospaly jemdi ózderi ázirleýde. Sapaly ónim alý úshin qustarǵa arnaıy dárýmender beriledi. Paıdaly qospalar arnaıy tapsyryspen aldyrylady.

 

Túrkistan oblysy ákiminiń baspasóz qyzmeti