Profesor Saǵadı Bólekbaev jarty ǵasyrǵa jýyq ǵumyryn ǵylym men ustazdyqqa arnap kele jatqan belgili ǵalym, pedagog, qoǵam qaıratkeri, Saıası ǵylymdar jáne Zań ǵylymdary akademıalarynyń akademıgi.
QR BǴM-niń ulttyq sarapshysy, Qazaqstan halqy assambleıasynyń keńesshisi, QR Mádenıet mınıstrligi Din isteri jónindegi komıteti sarapshylar keńesiniń múshesi, Almaty qalasyndaǵy aqparattyq-taldaý ortalyǵynyń múshesi, "Ádilet" partıasy tóraǵasynyń orynbasary, QR ǴK Fılosofıa, saıasattaný jáne dintaný ınstıtýtynyń ǵylymı jobalarynyń sarapshysy, birneshe dısertasıalyq keńesterdiń múshesi, "Ortalyq Azıa ýnıversıteti Habarshysy", "Mádenıetter dıalogy" aqparattyq-taldaý jýrnaldarynyń bas redaktory, "D.A. Qonaev atyndaǵy Zań ýnıversıteti Habarshysynyń", Reseılik "SOTIS" federaldyq ǵylymı-praktıkalyq jýrnalynyń redaksıalyq alqasynyń múshesi syndy ǵylymı jáne qoǵamdyq-saıası qyzmetterdi jaýapkershilikpen atqarǵan tulǵa.
Saǵadı Baıuzaqulynyń fılosofıa tarıhy, áleýmettik fılosofıa, halyqaralyq qatynastar, túrik halyqtarynyń tarıhy men mádenıeti, logıka, ekonomıka jáne memleket máseleleri, sana fılosofıasyna qatysty zertteýleri oqyrmanǵa etene tanys jáne úlken suranysqa ıe. Ǵalym "Balama júıelerdegi ekonomıka men memlekettiń araqatynasy", "Áleýmettik ádildik máselesi", "Qazirgi halyqaralyq qatynastardyń máseleleri", "Dılemdaǵy Qazaqstandyq jol: Shyǵys nemese Batys?" "Jahandyq tranzıttegi Qazaqstan men irgeles memleketter", "Túrikterdiń álemdik órkenıetke qosqan úlesi", "Sana fenomeni: jańasha kózqaras", "Qazirgi Qazaqstan qoǵamynyń kókeıkesti máseleleri", "Eýrazıalyq ıntegrasıa konsepti: ıdeıalar jáne shyndyq", "Jahandyq ekonomıkalyq áriptestik kontekstindegi transulttyq jobalar" kitaptary men "Fılosofıa", "Logıka" pánderine arnalǵan oqýlyqtardyń, 250-den astam ǵylymı maqalanyń avtory bolǵan.
Profesor Saǵadı Bólekbaev sheteldik ǵylymı ortalarda da tanymal tulǵa. Ǵalymnyń 50-den astam ǵylymı eńbegi Chehıa, Polsha, Nıderlandy, Germanıa, Pákistan, Reseı, Ýkraına, Ózbekstan, Túrkmenstan, Qyrǵyzstan, Ázerbaıjan jáne t.b. elderde jarıalanǵan.
Profesor Saǵadı Bólekbaevtyń Qazaqstandaǵy fılosofıa ǵylymynyń damýyna qosqan úlesi men jarqyn beınesi máńgilik jadymyzda saqtalady, dep kóńil aıtady Ál-Farabı atyndaǵy Qazaq ulttyq ýnıversıteti Fılosofıa jáne saıasattaný fakúlteti Fılosofıa kafedrasy.
