Belgili dintanýshy Qairat Joldybaiuly Qostanai oblysynyń bas imamynyń araq iship kólik júrgizgen tosyn oqiǵa týraly óz pikirin bildirdi, - dep habarlaidy Dalanews.kz.
"Qostanai oblysynyń bildei bir bas imamy ishimdik iship, kólik júrgizip, qamaýǵa alyndy degen aqparat tóbemnen jai túskendei áser qaldyrdy. Eki kúnnen beri ishim alai-dúlei. Bul uiatty jaǵdaiǵa sengim kelmeidi", - deidi avtor óz paraqshasynda.
Sondai-aq Qairat Joldybaiulynyń aitýynsha, bul ádeii uiymdastyrylǵan qastandyq bolýy múmkin.
"Qostanai oblysynyń bildei bir bas imamy ishimdik iship, kólik júrgizip, qamaýǵa alyndy degen aqparat tóbemnen jai túskendei áser qaldyrdy. Eki kúnnen beri ishim alai-dúlei. Bul uiatty jaǵdaiǵa sengim kelmeidi. Bálkim ádeii uiymdastyrlǵan qastandyq shyǵar. Qymyzǵa iaki basqa bir taǵamǵa bir nárse aralastyryp ádeii ishkizip, sosyn arnaiy tapsyryspen ustatty ma eken? Eger imamnyń ary taza bolsa, advokat jaldap, ózin qorǵaýy tiis. Al ras bolsa, onda bas múfti óz erkimen qyzmetinen ketýge tiis. QMDB túbegeili reformalanýy shart", - dep jazdy Qairat Joldybaiuly.
Eske salaiyq, buǵan deiin Qostanaidaǵy imam alkogol iship, túngi klýb janynda ustalǵanyn habarlaǵan edik.
Kelesi aptada Qazaqstan musylmandarynyń mereitoily, H quryltaiyn tezirek uiymdastyryp, Bas múfti Naýryzbai Ótpenovty aýystyrý boiynsha jabyq konsýltatsiialar bastalmaq. Bul týraly DALA INSIDE derekkózi habarlady.
Dástúrli islamnyń pozitsiiasy tómendep, internet, áleýmettik jelidegi radikaldardyń qazaqtyń dástúrine, ulttyq aspaptaryna shabýyly kúsheigende Senat pen "Sol jaǵalaý" tarapynan Qazaqstan musylmandary dini basqarmasyna "jumysty kúsheitý, belsendirek bolý" týraly ótinishter birneshe ret aitylǵan bolatyn.
"QMDB inertti, sylbyr, óz ustanymyn batyl jetkize almaityn uiymǵa ainaldy. Qazir olar Qazaqstandaǵy islam máselesin baqylaýdan shyǵaryp alǵany baiqalady. Radikaldardyń islamdy qazaqtyń ulttyq qundylyqtaryna qarsy qoiýy dinniń pozitsiiasyn álsiretip, táńirizmge negizdelgen jańa aǵymdardyń paida bolýyna alyp keldi", - deidi, derekkóz.
Qostanaidaǵy bas imam Tájimbet Bahytbektiń alkogol urttap, túngi klýbtyń janynda kólik rólinde ustalǵany islamnyń bedeline aýyr soqqy bolýy múmkin. Qazir sot úkimi shyǵyp, imam 15 táýlikke qamaldy jáne 7 jylǵa kólik quralyn basqarý quqyǵynan aiyryldy.
Sońǵy 10 jylda Qazaqstanda úsh bas múfti aýysty. QMDB tizginin 2013-2017 jyldary Erjan Maiamerov, 2017-2020 jyldary Oraz Serikbai ustasa, 2020 jyldan beri Naýryzbai Ótpenov bas múfti qyzmetin atqaryp keledi. Kelesi quryltai 2025 jyldyń basynda ótedi degen jospar bolǵan. Biraq jabyq konsýltatsiialar nátijesinde musylmandardyń kezekten tys quryltaiy odan erte shaqyrylýy da ǵajap emes.
