Meditsina ǵylymdarynyń doktory, professor Arai Tólemisova Kárim Másimov uiǵyr emes ekenin aitty, - dep habarlaidy Dalanews.kz.
Belgili dárigerdiń sózinshe, memleketke opasyzdyq jasady dep sottalǵan UQK-nyń eks-tóraǵasy Kárim Másimovtiń ákesi Qajymqan Másimovpen qyzmettes bolǵan.
(Kárim Másimovtiń - esk.) "Anasymen de, ákesimen de jumys istedik. Ákesi - Qajymqan Másimov degen kisi. Ol kisi dárigerler bilimin jetildirý institýtynda júrgen kezde maǵan usynystar jasap, sol kezde birge jumys istedik. Óte syilaimyn, jatqan jeri jaily bolsyn. Másimov degen meditsinalyq ortalyq ashqan kezde meditsina máseleleri boiynsha keńesshi boldym», - deidi ol ADAL Adam arnasyna suhbatynda.
Sonymen qatar, Arai Tólemisova qujattardan Másimovtiń rýy naiman ekenin kórgenin jetkizdi.
«Qajymqan Másimovti «uiǵyr» deidi, uiǵyr emes. Kýáligin kórdim, «naiman» dep jazylǵan, Aqsýdiki. Kompiýterindegi qujattardyń birin oqyp qaldym, «naiman» dep jazylyp turǵan. Taldyqorǵan Aqsýdiki. (Kárim Másimovtiń ákesiniń - esk.) «Naimanmyn» dep aitatynyn da estidim. Aqsýda meshit saldy. Meshitke baryp, as bergende de bolǵanmyn. Sol kezde de aitqan», - dedi Arai Tólemisova suhbatta.
Meditsia ǵylymdarynyń doktory Tólemisova Másimovtiń ákesin naiman bolǵannan keiin «aǵa» dep syilaǵanyn jasyrmady.
«Kárimdi emes, ákesi Qajymqan Qasymulyn aǵa dep sanap júrdim. Anasy Eleonora Kárimqyzymen jaqsy qarym-qatynastamyn. Qazir 86-ǵa keldi. Dárilerin surap turady. Búgin ǵana habarlastym. Dárilerin kómektesip alyp berip júrmin», - dedi Arai Maǵaýiiaqyzy.
