Úkimette kólik salasyndaǵy jobalardy júzege asyrý máseleleri qaraldy, dep habarlaidy dalanews.kz.
Premer-ministr Oljas Bektenov qabyldanyp jatqan sharalar nátijesinde temirjol arqyly tranzittik tasymal kólemi jylyna 55 mln tonnaǵa deiin ulǵaiatynyn atap ótti. Úkimet basshysy QTJ-nyń jumysy álsiz ekenin aityp, jaǵdaidy retteýdi tapsyrǵan.
"Kólik ministrligi "Qazaqstan temir joly" kompaniiasymen birlesip, jyl sońyna deiin negizgi temirjol jelileriniń qurylysyn, sondai-aq, vokzaldardy jańǵyrtý jumystaryn aiaqtasyn. Avtomobil joldaryn salý jáne kúrdeli jóndeý jumystary aiasynda olardyń normativtik talaptarǵa sáikes kelýin qamtamasyz etý qajet. Mýltimodaldy tranzit kólemin arttyrý úshin kólik salasyn tsifrlyq transformatsiialaý kerek", - dedi Oljas Bektenov.
Osylaisha elimizde jyl sońyna deiin negizgi temirjol jobalary aiaqtalyp, vokzaldardy jańǵyrtý qarqyny jedeldetiledi.
