Bekshinniń renishi: «Almatylyqtar saqtyqty tómendetti, maska taqpaidy, toi ótkizedi»
Jandarbek Bekshin atap ótkendei, epidemiologiialyq zertteýlerdiń nátijeleri boiynsha juqtyrý 20-39 jas aralyǵyndaǵy azamattarda (31,2%), 40-59 jastaǵylarda (24%), 60 jastan asqan qart adamdarda (23%).
– Jalpy, sońǵy aptada infektsiia juqtyratyn negizgi oryndar burynǵysha saýda obektileri - 34%, otbasylyq bailanys - 19,5%, qoǵamdyq kólikter - 17,8%, – dedi Almaty qalasynyń bas sanitarlyq dárigeri.
Jandarbek Bekshin koronavirýstyń «tórtinshi» tolqyny aiaqtalmaǵanyn, biraq tómendei bastaǵanyn, sondyqtan vaktsina saldyrý qarqynyn arttyrý qajet ekenin eske saldy.
– Azamattar derttiń qanshalyqty qaýipti ekenin túsinýleri tiis. Ásirese 60 jastan asqan adamdar qaýip tobynda, óitkeni, ólim kóbinese halyqtyń osy sanatynda bolady. Jasyna qarai kóptegen adamdarda sozylmaly aýrýlar, dert juqqan kezde olar órshi túsedi. Sondyqtan remissiia kezeńinde vaktsinalaný qajet. Tek vaktsinalaný ǵana koronavirýsty jeńetin bolady, – dedi J. Bekshin.
Bas sanitarlyq dárigerdiń aitýynsha, COVID-19 virýsynyń «úndilik» nusqasy tez juǵady ári patogendiligi áli de óte joǵary, sonyń saldarynan «simptomdy» naýqastardyń deńgeii 95%-dy quraidy. «Ýhandyq» – 50% jáne «britandyq» –81%.
Jandarbek Bekshin halyqty vaktsinalaýdy kúsheitýge jáne qoǵamdyq oryndar men kólikterde maska rejimin saqtaýǵa shaqyrdy. Almaty qalasynyń bas sanitarlyq dárigeri qala turǵyndarynan adamdar kóp jinalatyn nysandarǵa, túngi klýbtarǵa, meiramhanalarǵa, kafelerge barmaýǵa jáne úidegi buqaralyq is-sharalardy shekteýge shaqyrdy.
