Zaýyt óz jumysyn ótken jyly bastaǵan bolatyn. Saǵatyna 25 tonnaǵa deıin qoqystardy suryptaýǵa qabiletti Orta Azıadaǵy alǵashqy zaýyt bolyp tabylady.
Kezdesý barysynda qatysýshylar ekologıalyq salaǵa qatysty kóptegen máselelerdi, sonyń ishinde Qazaqstandaǵy basty ekologıalyq máselelerdiń biri qoqystardy óńdeý taqyrybyn talqylady. Sondaı-aq, jalaqy týraly da másele kóterildi.
Qyzmetkerler ózderiniń aýyr eńbegi úshin 140-180 myń teńge ǵana jalaqy alatyny belgili boldy.
«Baıtaq» jasyldar partıasynyń kandıdaty Vladımır Martel barlyǵymyz birlese otyryp, qoqystardy belsendi jınaý jáne elektrondy qaldyqtardy óńdeý arqyly bul máselelerdi sheshýge bolatynyn aıtty.
Shyǵys Qazaqstan oblysy “Baıtaq” jasyldar partıasy fılıalynyń qoǵamdyq qabyldaý bóliminiń meńgerýshisi Qasenov Ryspek jáne partıa músheleri jergilikti turǵyndarmen kezdesip, olardyń saýaldaryn tyńdap, aldaǵy is-qımyl josparyna engizdi.
