Bairamýkov – Erlan Qojasbai daýy órship keledi (Video)
«Kúres federatsiiasynyń vitse-prezidenti Erlan Qojasbai meni «divannyi analitik», – depti. Qojasbaidyń murnyna kúres sportynyń iisi bara ma eken ózi?».
Al erkin jáne áielder kúresi federatsiiasynyń vitse-prezidenti Erlan Qojasbai bul málimdemeni Shymkentte 26 aqpan kúni grek-rim, erkin jáne áielder kúresinen el chempionatynyń ashylý saltanatynda aitqan bolatyn.
Olimpiadanyń kúmis júldegeri I.Bairamýkov «Meniń shákirtim – Daýlanbaevty quramadan ysyryp tastap, Kahidzeni apardy. Men sony synadym. Meniń azamat retinde, kúres mamany retinde syn aitýǵa quqyǵym bar. Qojasbai kúreske qandai úles qosty?»,- dep ashýlandy.
Balýan: «Negizsiz sóileýdi qoiý kerek. Men jastardy baýlyp júrmin. Bilgenimdi úiretýden talmaimyn eshqashan. Erkin kúresten túk habary joq Áset Serikbaevty bapker etipti. Áset memlekettik jattyqtyrýshy bolǵanymen, tájiribesi joq. Sonda aýyldasy bolǵan soń qoiyp otyr ma ony? «Tynysh jatqan búrkittiń, artyn shuqyp úrkittiń»- degen sóz bar. Tynysh júrgen kezimde, ózderi kelip tiisedi»,- dep óz oiyn aiaqtady.
https://www.youtube.com/watch?v=7uXZtq9O5Ao
