Táshenova Baibek men Mamaidyń arasyndaǵy sot isiniń mán-jaiyn bylaisha baiandaidy:
Keshe men B.Baibektiń ar-namysy men qadir-qasietin qorǵaý týraly J.Mamai men I.Imanbaevaǵa qarsy bergen talap-aryzy boiynsha kezekti sot otyrysynyń juma kúnge, iaǵni 4 maýsymdaǵy saǵat 10.00-ge taǵaiyndalǵany týraly habarlamany, sondai-aq táýelsiz psihologiialyq-filologiialyq saraptama qorytyndysynyń kóshirmesin aldym.
«J.Mamai men I.Imanbaevanyń talap-aryzdyń mazmunyn burmalaý áreketterine qatysty. Jaýapkerler bizdiń shaǵymdarymyzdyń mánin burmalap, B.Baibek olardyń beinejazbalarynda keltirilgen aiyptaýlardyń bir bóligin ǵana joqqa shyǵarýdy talap etedi dep aitýda.
Naqtylap aitsam, is júzinde jaýapkerlerdiń atalǵan beinejazbadaǵy aiyptaýlary 3 negizgi bólikten turady:
- «B.Baibek mafiialyq-jemqorlyq qurylym qurdy..., Almatyda jerge jáne memlekettik múlikke qatysty kóptegen alaiaqtyq jasady»;
- «ákim bolǵan 4 jylǵa jýyq ýaqytta ... onyń otbasynyń qarjylyq jaǵdaiy milliard AQSh dollarynan asty»;
- «ol memlekettik biýdjetti urlady, alaiaqtyq jasady jáne óz adamdary úshin biznes ashty..., is júzinde úlken biznes-imperiianyń qojaiyny».
Jemqorlyq shemasyna «dáleldeme» retinde J.Mamai men I.Imanbaeva Qazaqfilm, Atakent, Ile-Alataý ulttyq parki, Ál-Farabiden joǵary jaqtaǵy alma baǵy, Almaty-1 jáne Almaty-2 temirjol vokzaldary jerlerin qurylys júrgizý jáne turaq salý úshin jeke qolǵa berdi, avtobýstar satyp alý kezinde milliondar aldy-mys degen sekildi qisynsyz mysaldar keltiredi.
Bizdiń talap-aryzymyzda sybailas jemqorlyq týraly olardyń jalǵan málimdemeleriniń ózegin quraityn neǵurlym rezonansty dál osy mysaldar qamtyldy.
Joǵaryda atap ótkenimdei, biz qabyldanǵan sheshimderdiń zańdylyǵy men ashyqtyǵyn rastaityn barlyq dáleldi usyndyq. Iaǵni, sybailas jemqorlyq týraly faktilerdiń barlyǵy tolyqtai oidan shyǵarylǵan: sybailas jemqorlyq shemalary da, milliard ta, oǵan qosa, biznes imperiia da joq. Sondyqtan da jaýapkerlerdiń basqa barlyq aiyptaýlary mán-maǵynadan jurdai!
Oǵan qosa, J.Mamai men I.Imanbaeva aiyptaýlarynyń ásire absýrd ekenin atap ótemin!
Elestetip kórińizshi, 1 mlrd. AQSh dollary – bul shamamen 430 mlrd. teńge, iaǵni Pavlodar, Soltústik Qazaqstan jáne Qostanai oblystary siiaqty óńirlerdiń jyldyq biýdjeti!»
