Birqatar laýazymdy qyzmet atqarǵan memleket qairatkeri, Shymkenttiń eks-ákimi Amalbek Tshan Almatynyń burynǵy ákimi Baýyrjan Baibek memleket qarjysyn qalai jumsaǵanyn aityp berdi, - dep habarlaidy Dalanews.kz.
«Áýejaiǵa baratyn jer bar. Sol jolda baǵdarsham turatyn. Onyń bárin rekonstrýktsiia jasap, ainalmaly jolǵa ainaldyrdy. Qazir oilaimyn, sonda Almatydaǵy basqa sharýanyń bári bitip qaldy ma? Ainalaǵa ainalmaly jol jasaý kerek pe? Al ainalmaly jol degen bálenbai milliard turady. Baǵdarshamda adamdar, kóp bolsa, 1-2 minýt qana turady», - deidi Amalbek Tshan «Demkoratiialy Qazaqstan» YouTube-arnasyna bergen suhbatynda.
Sonymen qatar, Amalbek Tshan taǵy bir eks-ákim – Baqytjan Saǵyntaev memleket qarjysyn qaida jumsaǵanyn aitty.
«Ol qur qala ma ana ákimnen? Ana ákim 4-5 jyldyń ishinde milliarder bolyp ketti. Saǵyntaev ta kele saldy da áýejaiǵa baratyn jolda ainalmaly jol jasady. Sonda qalanyń barlyq isi, mektepter, balabaqsha, odan basqa myńdaǵan jumys bar sheshilmei jatqan. Adamdar bosqa shyryldap júrgen joq qoi. Úkimet nege qadaǵalamaidy?», - deidi Amalbek Tshan.
Aita keteiik, Baýyrjan Baibek Almatyny 2015-2019 jyldary aralyǵynda basqarǵan bolatyn. Keiinnen qalany úsh jyl boiy Baqytjan Saǵyntaev basqardy.
Buǵan deiin Amalbek Tshan Almaty ákimi bolǵan Baibek, Esimovterdiń jemqorlyqqa qatysy bar ekenin aitty.
"Qatysy bolmasa, qashyp júre me? Almatyda qyzmet istegen ákimderdiń qai-qaisy bolmasyn, olardy teksere kelseńiz bári de shyǵady.
Baibek taza bolsa, nege qashyp júr?! Esimov te solai. Mynaý kimdiki deseń, jurttyń bári "Esimovtiki" deidi. Mynaý kimdiki deseń, "Baibektiki" deidi.
Olardyń kim ekenine halyqtyń ózi baǵasyn berip jatyr. Kópshilik qalt aitpaidy dep durys aitady", - deidi ol.
Buǵan deiin Májilis depýtaty Baqytjan Bazarbek te Almatyda jerdi zańsyz bergen belgili sheneýnikterdiń esimin ataǵan bolatyn.
Onyń ishinde, - Ahmetjan Esimov, Imanǵali Tasmaǵambetov, Baýyrjan Baibek bar.
«Tipti men ózim zańger retinde Baibek ákim bolǵan kezinde úsh qaýlysyn zańsyz dep taný týraly sotqa talap-aryz berip, sonyń eki qaýlysyn sottyń sheshimi boiynsha buzdyrtqanmyn. Máselen, bárimizge belgili "Rahat" bazarynyń úlken jerin "TKM" JShS quqyǵyn shektep, "Almaty SPS" firmasyna berip jibergen. Al "Almaty SPS" artynda sol Eski Qazaqstannyń ókilderi tur.
Iaǵni Baýyrjan Baibektiń jaqyn týystarynyń atyna rásimdelgen TOO-lar. Sóitip biz olardy sotqa berip, 3 jyl sottastyq.
2022 jyly Almaty qalalyq sotynyń sheshimimen "Almaty SPS" firmasyna berilgen jer zańsyz ekeni aitylyp, tiisti sottyń sheshimi shyqty. Basqa memleketterde bul qaýlyny alyp, prokýratýraǵa jiberedi. Prokýratýrada qylmystyq is qozǵaýǵa bolatyn edi", - deidi Baqytjan Bazarbek Adal Adam YouTube arnasyna bergen suhbatynda.
