Atyraý oblysyndaǵy Mahambet aýdanynyń aýmaǵynda múiizi kesip alynǵan 38 kiiktiń óleksesi tabyldy, dep habarlaidy Dalanews.kz.
Atyraý oblystyq máslihatynyń depýtaty Baqyt Kametov kiiktiń óleksesi Mahambet aýdanyndaǵy Tańdai aýyl okrýginiń aýmaǵynan tabylǵanyn málimdedi.
“Video 26 qańtar saǵat 19:30–da túsirilgen. Atyraý oblysy Mahambet aýdany Tandai selolyq okrýgine qarasty Qalmaqty (Chýmka) eldi mekeninde 38 kiiktiń óleksesi tabyldy. Barlyǵynyń múiizin kesip alyp ketken. Ishki qurylysy joq. Sharýagerlerdiń aitýynsha, 25 qańtarda orman jáne janýarlar dúniesin qorǵaý mekemesiniń memlekettik qyzmetkerleri jáne ańshylary atyp ketken. Politsiia qylmysty tirkep, zańdy shara qoldanady”, - dep habarlady Baqyt Kametov áleýmettik paraqshasynda júktegen videoda.
Dalada jatqan kiiktiń keibiri baýyzdalǵan. Keibiriniń qarny jarylǵan.
