Ózbekstan prezidenti Shavkat Mirziiaev 27 qazanda Astanada "EO - OA" sammitinde Ortalyq Aziiadaǵy integratsiiany damytýǵa kúsh salý kerektigin aitty.
«... Álemdegi jáne aimaqtaǵy jaǵdai eleýli ózgeriske ushyrady, sol sebepti Ortalyq Aziiadaǵy integratsiia eýropalyq áriptesterdiń qoldaýyna asa zárý. Soǵan bailanysty biz áriptes bailanystardy nyǵaitýdy kózdeitin "jol kartasy" kópsalaly baǵdarlamasyn qaraýdy usynamyz", - dedi prezident.
Buǵan qosa, Ózbekstan prezidenti Ortalyq Aziia men Eýropa Odaǵy elderiniń arnaiy qyzmetteri men quqyq qorǵaý organdarynyń aqparat almasý, qaýippen birge kúresýde áriptestigin arttyrýdy usyndy.
Aýǵanstan máselesine toqtalǵan Mirziiaev bul eldegi gýmanitarlyq jaǵdaiǵa alańdap, halyqaralyq qaýymdastyqtan aýǵan halqyna kómektesýin surady.
"Ortalyq Aziia - Eýropa Odaǵy" formatyndaǵy sammit alǵash ret ótip otyr. Oǵan Ortalyq Aziia elderiniń basshylary men Eýropa keńesiniń prezidenti Sharl Mishel qatysty.
https://dalanews.kz/sadak/82578-beyzhing-qazaqstan-aumaqtyq-tutastygy
