Batys Qazaqstan oblysy Aqjaiyq aýdanyna qarasty Taipaq aýylynda Jaiyqtyń sýy bir táýlikte 34 sm-ge kóterildi. Qazir ózen arnasy 715 sm-ge jetti, dep habarlaidy Dalanews.kz.
Qaýipti deńgei - 8,5 metr. Al Terekti aýdanynda tasqyn saldarynan turýǵa jaramsyz dep tanylǵan úiler buzylyp jatyr.
Qulaǵan úilerdiń ornyna úsh bólmeli jańa baspana salynady. Aýdandyq komissiia qorytyndysymen ázirge tehnikalyq tekseristen ótken 81 úi turýǵa jaramsyz dep tanyldy.
Tasqynnyń birinshi kezeńinde, iaǵni erigen qpr sýynan aýdandaǵy Ańqaty, Podstepnyi, Terekti aýyldarynda 600-den astam úi sý astynda qalǵan edi, dep jazady qazaqstan.tv.
Zardap shekken turǵyndardan aýdandyq komissiiaǵa áli de ótinishter túsip jatyr. Qarǵyn sýdan eń kóp zalal kelgen Podstepnyi aýylynda dál búgin alǵashqy úilerdiń qurylysy bastaldy. Buǵan bes merdiger kompaniia tartylǵan.
Al baspanasy turýǵa jaramdy, biraq jóndeýdi qajet etetin turǵyndarǵa baǵalaý qorytyndysyna sai ótemaqy beriledi.
"Ańqaty aýyly boiynsha - 24 úi, Podstepnyi aýyly boiynsha - 56 úi, Terekti aýyly boiynsha bir úi. Ańqaty aýylynda jerge ornalastyrý jáne geologiialyq jumystar bastaldy. Podstepnyida, ózderińiz kórip turǵanyńyzdai, qurylysqa daiyndyq jumystary bastaldy. Búgin tústen keiin irgetasyn qalaý jumysyna kirisedi”, - dedi Terekti aýdany ákiminiń orynbasary Erlan Amandyqov.
