Batys Qazaqstanda 709 adamnyń eńbek quqyǵy qorǵaldy
Basqarma basshysynyń aitýynsha, 2017 jyldyń alǵashqy alty aiynda 424 aryz-shaǵym tirkelgen. Memlekettik eńbek inspektorlary jumys berýshilerdiń eńbek zańnamasyn saqtaýy boiynsha 180 kásiporyn-uiymdardy tekserdi. Sonyń ishinde 152-i jospardan tys, 16-y ishinara, 12-si barý jolymen tekserýler.
Júrgizilgen tekserýlerdiń barysynda 260 zań buzýshylyq anyqtaldy. 43 tulǵaǵa 7,238 mln. teńge aiyppul salyndy. Olardy shartty túrde bylai qarastyrýǵa bolady. Birinshisi - eńbek qatynastaryna qatysty. Iaǵni, bul jumys berýshiler tarapynan qyzmetkerlerge jalaqyny ýaqytyly jáne tolyq mólsherde tólemeý, eńbek shartynyń jasalmaýy, eńbek sharty mazmunynyń QR Eńbek kodeksiniń normalaryna sáikes kelmeýi, tártiptik shara qoldaný máseleleri boiynsha, onyń ishinde qyzmetkerdi tártiptik jaza qoldaný týraly aktisimen tanystyrmaýy, tártiptik jazanyń qyzmetker demalysta nemese eńbekke ýaqytsha jaramsyz bolǵan kezeńde berilýi, eńbek sharty toqtatylǵan kezde paidalanylmaǵan jyl saiynǵy aqyly eńbek demalysy úshin ótemaqy tólemderiniń júrgizilmeýi boiynsha 201 zań buzýshylyq tirkeldi.
Eńbek qaýipsizdigi jáne eńbekti qorǵaý máselesi boiynsha 42 zań buzýshylyq anyqtaldy. (óndirispen bailanysty jazataiym oqiǵalardyń ýaqytyly tergep-tekserilmeýi (jasyrý), qyzmetkerlerdi oqytýdy jáne instrýktaj ótkizýdi uiymdastyrý boiynsha, qyzmetke jaramdylyq boiynsha mindetti meditsinalyq tekserip-qaraýdyń ótkizilýin uiymdastyrý boiynsha).
2017 jyldyń I jartyjyldyǵynda 24 jazataiym oqiǵa oryn alyp, 2016 jyldyń (33 oqiǵa) osy kezeńimen salystyrǵanda 23%-ke tómendedi. Jazataiym oqiǵalardan 32 adam zardap shegip, byltyrǵy jylmen salystyrǵanda 20%-ke tómendedi (40 adam). Biylǵy osy eseptik kezeńde 2 adam qaza tapty.
Kúni búgin oblystaǵy 37 iri biznes kásiporyny jáne 92 orta biznes kásiporyny óz jumysynda eńbek qaýipsizdigi jáne eńbekti qorǵaýdyń ulttyq jáne halyqaralyq standarttaryn engizdi. Aǵymdaǵy jyly kásiporyndardyń 1300-den asa jetekshileri men mamandary eńbekti qorǵaý zańdylyǵyn bilý boiynsha tekseristen ótti.
Halyqty jumyspen qamtý boiynsha tirkelgen zań buzýshylyqtar sany – 17 buzýshylyq (ótken jyly - 74). Jalpy tekserister nátijesinde zań buzýshylyqtardy joiý týrasynda 112 nusqama berildi. Jaýapty 53 tulǵa ákimshilik jaýapkershilikke tartyldy.
Qyzmetkerlerdiń áleýmettik jaǵdailaryn jaqsartatyn jaǵdailardyń biri – jumys berýshi men jumysshylardyń arasyndaǵy ujymdyq eńbek sharty. Kúni búgin oblysta 1494 ujymdyq shart tirkelgen. Ujymdyq shartpen 130 myńnan astam adam qamtylǵan (bul barlyq eńbek etetin tulǵalardyń 55 %-y).
Ýákiletti organ qolǵa alǵan keshendi is–sharalardyń nátijesinde tek jyl basynan beri 86 kásiporyn-uiymda jalpy kólemi 150 mln. teńgeden asa soma quraityn jalaqy bereshegi óteldi. 709 adamnyń eńbek quqyǵy qorǵaldy. Kúni búgin 6 kásiporynda jalaqy bereshegi bar, olar boiynsha sot sheshimimen bankrottyq protsedýralary júrýde. Sonymen qatar sot oryndaýshylarynyń óndirisinde 2 material bar, mundaǵy jalaqy qaryzy 7,5 mln. tenge.
Jýrnalisterdiń saýaldaryna jaýap bere kele A.Aitýev qala men oblys kásiporyndarynda sońǵy ýaqyttary oryn alǵan oqys oqiǵalarǵa túsinik berdi (TOO «Jaiyk Taza kala» JShS, «Aqsaijylýqýat» JShS, Krýgloozernyi psihonevrologiialyq mekemesi jáne t.b.).
