Elimizde atalyp ótip jatqan Naýryznama on kúndigine sáikes, 20 naýryz –Ulttyq sport kúni. Osy tusta, Batys Qazaqstan oblysynda "Ulttyq sport" kúnine arnalǵan Sadaq atý jáne Aýdaryspaq sporty boiynsha qala turǵyndary men áýesqoilar arasynda jarys ótti, - dep habarlaidy Dalanews.kz.
BQO ákimdiginiń málimetinshe, is-sharaǵa Batys Qazaqstan oblysynyń ákimi Nariman Tóreǵaliev qatysyp, jinalǵandardy Naýryz merekesimen quttyqtady.
"Memleket basshysynyń bastamasymen biyl elimizde Naýryz merekesi Naýryznama ataýymen jańa formatta toilanýda. Naýryznamanyń ár kúni ulttyq qundylyqtarymyzdy nasihattaýǵa baǵyttalǵan. Búgin mine Ulttyq sport kúni. Bul kúni ulttyq sport túrlerinen ótetin saiysta bas qosyp otyrmyz.
Oblysymyzda ótip jatqan saiystardyń maqsaty– ata- babalarymyzdan jetken, ultymyzdyń qaitalanbas ereksheligin kórsetetin ulttyq sport túrlerin keńinen nasihattap, keiingi urpaqqa jetkizý"- dedi oblys ákimi.
Budan keiin óńir basshysy jinalǵandar aldynda Sadaq atýdy bastap berdi.
Sadaq atý jáne aýdaryspaq sporty boiynsha ótken básekege jastar jáne qala turǵyndary qatysty.
Jalpy Naýryz qarsańynda Ulttyq sport kúni Batys Qazaqstan oblysynda keńinen atalyp ótti.
