Qazaqstandyq kásipker Erqanat Jumabekovke halyqaralyq izdeý jariialandy. Bul týraly Qyrǵyz Respýblikasynyń memlekettik ulttyq qaýipsizdik komiteti málimdedi, dep habarlaidy Dalanews.kz.
Arnaiy qyzmettiń málimetinshe, Jumabekov halyqaralyq qylmystyq top – «Bratskii krýg» uiymynyń múshesi, qylmys áleminiń serkesi sanalatyn Kamchy Asanbektiń uiymdasqan qylmystyq tobyna qarjylai qoldaý kórsetken. Tergeý derekterine sáikes, Erqanat Jumabekov K.Asanbektiń kásipkerlerden aqsha bopsalaý, reket jáne basqa da zańsyz áreketter arqyly júieli túrde tabys taýyp otyrǵanyn bile tura, TMD elderinde óz biznes-jobalaryna qoldaý tabý jáne qamqorlyq kórý maqsatynda onymen tyǵyz bailanys ornatqan.
Sondai-aq, Jumabekovtiń Kamchy Kólbaevpen (Asanbektiń esimimen tanymal) dostyq qarym-qatynasta bolǵany, Ystyqkóldegi «Bars» demalys ornynda birneshe ret kezdesip, ýaqyt ótkizgeni anyqtalǵan. Sonymen qatar, ol Asanbektiń Almatyǵa kelgen jaqyn týystaryna qarjylai kómek kórsetip otyrǵan.
Jinalǵan materialdar negizinde Bishkek qalasyndaǵy Oktiabr aýdandyq soty Erqanat Jumabekovti syrttai qamaýǵa alý týraly sheshim shyǵaryp, ony izdeýge jariialady.
Kásipkerdiń Batalovpen bailanysy qandai?
arasha.kz málimetinshe, Erqanat Jumabekov — tek kásipker ǵana emes, óńirlik saiasi elitaǵa qatysy bar tulǵa. Ol 2014–2021 jyldar aralyǵynda Almaty oblysyn basqarǵan, saiasi salmaǵy bar Amandyq Batalovtyń kúieý balasy.
Batalovtar áýleti ońtústik óńirlerde uzaq jyldar boiy yqpalyn saqtap kelgen. Al Erqanat Jumabekov ashyq derekkózderde Almaty men oblystaǵy qurylys jáne developerlik kompaniialarmen bailanysty tulǵa retinde kórsetiledi.
Eske salaiyq, byltyr taldyqorǵandyq áiel Amandyq Batalovtyń ózi týraly kútpegen derek aitqan bolatyn. Taldyqorǵan qalasynyń turǵyny Almaty oblysynyń eks-ákimi Amandyq Batalovtan 2012 jyly nekesiz bala tapqanyn málimdedi. Alaida burynǵy sheneýnik balasyn áli kúnge deiin moiyndamai, tipti belgisiz bir adamdar qorqytyp-úrkitip júrgen kórinedi.
Amandyq Batalovtan nekesiz bala taptym degen Qarlyǵash (óz ótinishimen esimi ózgertildi – red.) buǵan deiin otandyq telearnalardyń birindegi tok-shoýǵa shyqpaq bolǵan eken. Biraq áldebir qudiretti kúsh telearnaǵa qysym jasap, túsirilimdi toqtatyp tastapty.
Onyń sózinshe, Qarlyǵash Batalovpen 2011 jyly tanysqan. Ol kezde oblys ákiminiń birinshi orynbasary bolǵan.
