– QR IIDM Avtomobil jasaý basqarmasynyń basshysy Rýslan Hisamýtdinov «Habar» telearnasyna suhbat berip, jeńildikpen avtonesieleýdiń jańa baǵdarlamalarynyń jobalary týraly áńgimelep berdi. Osy suhbat negizinde kolesa.kz portaly «Jeńildikpen avtonesieleýdiń jańa baǵdarlamasy. Alǵashqy málimetter» degen taqyryppen material jariialap, keiin ol ózge de aqparat quraldarynda taratyldy. Bul rette bastapqy aqparat sál burmalanǵan, – dep jazdy J.Omarhan.
Atap aitqanda, R.Hisamýtdinov aitqan «usynylady», «ázirlenedi» jáne «pysyqtalady» sózderiniń ornyna avtorlar «bolady, «erekshelenedi» siiaqty sózderdi qoldanǵan. Osylaisha, oqyrmandar men kórermender jeńildikpen avtonesieleýdiń jańa baǵdarlamasy jasalyp, jaqyn arada iske qosylady dep qate oilap qalýy múmkin.
– Iaǵni, áli zerttelip, pysyqtalyp jatqan bastamalar qazirdiń ózinde qabyldanǵan sheshim retinde jetkizilgen. Osyǵan bailanysty qazir ýákiletti memlekettik organdar jeńildikpen avtonesieleýdiń jańa baǵdarlamalarynyń 2 nusqasyn qarastyryp jatqanyn aitqym keledi. Birinshi nusqada jeńildikti nesieleýge 4 jylǵa (birinshi jylǵa – 30 mlrd) bólingen 150 mlrd teńge (BAQ-ta aitylǵandai 250 mlrd emes) baǵyttaý qarastyrylýda. Nesie berý sharttaryn 2015 jyldan iske qosylǵan eski baǵdarlamalarmen birdei etip qaldyrý usynylady, – dep habarlady QR Indýstriia jáne infraqurylymdyq damý ministriniń Baspasóz hatshysy.
Ekinshi usynylyp otyrǵan nusqa halyqtyń áleýmettik osal toptaryna bastapqy jarnasyz nesie berýdi qarastyrady. Buǵan deiin QR Premer-ministri atap ótkendei, oǵan «ÓKM operatory» kompaniiasynda jinalǵan qarajattan shamamen 100 mlrd teńge bólý usynylady.
Sondai-aq, bir adamǵa beriletin nesie shegin 7 mln teńge kólemendi bolý bastamasy talqylanyp jatyr. Bul usynys qabyldana ma, joq pa, ol jaǵy ekonomikalyq tiimdiligi men maqsatyna bailanysty aiqyndalady.
– Qalai bolǵanda da, eki nusqa da qazirgi ýaqytta mejesine jetken joq. Olar QR IIDM usynǵan túrde qabyldanbaýy da múmkin. Sondyqtan naqty sheshimder týraly aitýǵa áli erte. Jalpy alǵanda, 2022 jyly barlyq qujattyq jáne zańdyq protsesteri aiaqtalǵanda jeńildikpen avtonesieleýdiń jańa baǵdarlamasy iske qosylady, – dep túiindedi Janjigit Omarhan.
