Eks-ministr Qýandyq Bishimbaevqa qatysty sot otyrysynda onyń inisi, sondai-aq, ekinshi aiyptalýshy Baqytjan Baijanov jaýap berip jatyr, - dep habarlaidy Dalanews.kz.
Onyń aitýynsha, Bishimbaev sotqa ákele jatqan kezde jaýaptaryna áser etkisi kelgen.
"Bishimbaev "jedel járdemge birge habarlastyq dep ait" dedi. "Aitpasań, seniń basyńa kelsin, seniń balalaryńnyń basyna kelsin dep qarǵaimyn" dedi. Tergeý izoliatorynda anda-sanda (Bishimbaevpen - esk.) kezdesip júrdik. Sol kezde "nashatyr berip jatqanda, sen qarap turdym dep ait" (dedi - esk.). Biraq men syrtta qaldym", - dedi Baijanov.
Buǵan deiin Baqytjan Baijanov Bishimbaev tarapynan ózine qysym jasalyp jatqanyn aitty. Sonymen qatar, bólek otyrǵysy keletinin málimdedi.
"Bishimbaevtyń Baijanovqa sóileýge múmkindigi bolmasa eken. Baijanov ózine qysym kórsetilip jatyr dep sanaidy. Olardyń arasynda qaqtyǵys bolyp jatyr. Tym quryǵanda erteń (bólek otyrsa - esk.)", - dedi Baijanovtyń advokaty.
Muny Baijanovtyń ózi de rastady.
"Ol maǵan jaýap berý kezinde "bylai ait, bylai ait" dep qysym kórsetip jatyr", - dedi Baijanov.
Baqytjan Baijanovqa Qylmystyq kodekstiń eki baby boiynsha aityp taǵylyp otyr: 432-baby (asa aýyr qylmysty jasyryp qalý) jáne 434-baby (asa aýyr qylmysty habarlamaý).
Buǵan deiin qaiǵyly oqiǵa bolǵan meiramhanada jumys istegen qyzmetker Bishimbaevtyń inisi videolardy qalai óshirtkenin aitqan bolatyn.
"9 qarashada tańǵy saǵat 10-da jumysqa keldim. Kabinetke kelip, noýtbýkty ashtym. Meniń jumysym - jalǵa alýshylarmen kezdesý. Ádettegidei jumysymdy istep júrdim. 12.00-13.00 shamasynda meiramhanalardy aralap shyǵamyn. Sol kúni 13.00-de meiramhanany aralap shyqtym, birinshi qabatta bári jumys istep turdy. Ekinshi qabattaǵy BAU meiramhanasy jumys istemei turdy. Ákimshiden nege ashylmaǵanyn suradym. Ákimshi olarda sanitariialyq kún ekenin aitty. Men "jaqsy" dep óz jumysymmen kete berdim", - deidi kýáger.
Sol kúni 14.00 shamasynda ákimshi kelip, Baqytjan Baijanov (Bishimbaevpen birge sotta kúdikti retindegi adam) habarlasyp, beinekameradaǵy videolardy óshirýdi suraǵan.
"Búkil gastroortalyqtaǵy videony óshirýdi surady. Artynan Baqytjan Baijanov ta kelip videolardy óshirýimdi surady. Ne úshin óshirý keregin naqtylamadym", - deidi kýáger.
Meiramhananyń burynǵy qyzmetkeri shamamen 15 minýttai server kabinetinde bolyp, videolardy óshirip, shyǵyp ketken.
