Antikordyń burynǵy basshysy Talǵat Tatýbaev ustalǵany rastaldy, dep habarlaidy Dalanews.kz.
Bul aqparatty Bas prokýratýra rastady.
"3 shildede Qylmystyq kodekstiń 146-baby 2-bóliginiń 1), 2) tarmaqtarynda kózdelgen qylmysty (azaptaý) jasady degen kúdikpen Sybailas jemqorlyqqa qarsy is-qimyl ulttyq biýrosynyń burynǵy basshysy T.M. Tatýbaev ustaldy", - dep jazylǵan habarlamada.
Qazir sotaldy tergep-tekserý jalǵasyp jatyr.
Elmedia basylymynyń derekkózine súiensek, Talǵat Tatýbaevqa "BTA bank" qyzmetkerlerine qatysty azaptaý tásilderin qoldandy degen aýyr aiyp taǵylyp otyr. Bul derek burynnan beri quqyq qorǵaýshylar men advokattar tarapynan kóterilip kele jatqan, bank aktivteri úshin bolǵan qaqtyǵys kezeńindegi iri istiń jalǵasy bolýy múmkin. Tatýbaev osy is aiasynda azaptaý áreketterin uiymdastyrýshy nemese qatysýshy retinde tergelip jatqany aitylǵan.
Bul is Bas prokýratýra janynan qurylǵan arnaiy vedomstvoaralyq tergeý tobynyń baqylaýynda. Sondai-aq, derekkózdiń habarlaýynsha, prokýratýra men quqyq qorǵaý organdarynda qyzmet atqaratyn Qojamjarovtyń basqa da jaqyn serikteri Tatýbaevty qamaýdan bosatyp alýǵa árekettenip jatqan kórinedi.
