«Bas prokýratýra sońǵy kezderi BAQ-tar men áleýmettik jelilerde aýylsharýashylyq jerleri sheteldikterge satylady degen arandatýshylyq maqsattaǵy jalǵan aqparat taraǵan. Bul áreketterde ultaralyq jáne áleýmettik alaýyzdyq týdyrý belgileri bar. Osyǵan baılanysty bas prokrýatýra eskertedi: bul áreketter zańdy óreskel buzý bolyp tabylady jáne kináliler qylmystyq jaýapkershilikke deıin tartylýy múmkin», – deıdi quzyrly mekeme.
Eldiń joǵarǵy baqylý organy retinde bas prokýratýra barlyq tulǵalardy mundaı áreketke barmaýǵa shaqyrdy.
«Búginde barlyq azamattarǵa aıtarym, ásirese jýrnalıser men jeli paraqshalarynyń ıelerine, zańdy buzbaýlaryńyzdy suraımyn», – deıdi bas prokýratýranyń jańa basshysy Jaqyp Asanov.
Bas prokýratýra prokýrorlyq baqylaýdy kúsheıtetinin alǵa tartty.
«Men prokýratýranyń barlyq aımaqtyq organdaryna bul saladaǵy quqyq buzýshylyqtardy ýaqytyly anyqtap, olarǵa tosqaýyl bolýdy tapsyrdym. Quqyq qorǵaý organdary jedel túrle kinálilerdi taýyp, qylmystyq jaýapkershilikke deıin tartatyn bolady», – deıdi Asanov.
Eske salsaq, Qazaqstan prezıdenti de sheteldikterge jer satylady degen aqparat taratqan arandatýshylardy jazalaý kerektigin málimdegen bolatyn.
Derekkóz: Nur.kz
