Parlament Májilisi dálizinde tilshilerge suqbat bergen QR Bas Prokýrorynyń orynbasary Marat Ahmetjanov Pavlodar oblysynyń eks-ákimi Bolat Baqaýovtyń isi "baqylaýda" ekenin aitty, dep habarlaidy Dalanews.kz.
"Ol eki aiǵa qamaýǵa alyndy. Is bas prokýrordyń baqylaýynda", - dedi ol.
Sonymen birge Ahmetjanov "prokýratýra Konstitýtsiianyń sheńberinde áreket jasap jatqanyn" aitty
Buryn habarlanǵandai, 15 qańtarda QR UQK qyzmetkerleri Pavlodar oblysynyń ákimi Bolat Baqaýovtyń ustaǵany týraly aqparat jariia boldy.
Keiin ákimniń ústinen joǵary laýazymdy sheneýnik domalaq aryz túsirgeni belgili boldy.
Osy habardan keiin keshke ákimniń atynan Instagram-daǵy paraqshasynda onyń jumys istep jatqany týraly jazba jariialandy.
16 qańtarda Pavlodar oblysynyń ákimdigi Bakaýovqa qatysty is boiynsha málimdeme jasady, onda olar tergeý áreketteri men qylmystyq ike qatysty túsinik bere almaityndyǵy týraly habarlady.
17 qańtarda Pavlodar oblysynyń ákimi Bolat Baqaýov qyzmet babyn asyra paidalandy degen aiyppen eki aiǵa qamaýǵa alyndy.
