Májilis depýaty Edil Jańbyrshin LGBT máselesi talqylanyp kele jatqanyna bes jyldyń júzi bolǵanyn aityp, ótkir pikir bildirdi, dep habarlaidy Dalanews.kz.
Depýtat minberden ózi de, áriptesteri de birneshe ret depýtattyq saýal joldap, máseleni búge-shigesine deiin talqylaǵanyn eske saldy.
"Bul qasietsiz top qasietti kiiz úiimizde tairańdap, ulttyq qundylyqtarymyzdy aiaqqa taptady. Ulttyq folklorymyzda gomoseksýalizm bar dep, tutas halyqqa jala japty. Bul bir. Ekinshi. Tipti mektepterge baryp, ashyq ári zańsyz propoganda júrgizdi. Odan qalsa, Edil Jańbyrshin, Ashat Aimaǵambetov, Janarbek Áshimjan, Ardaq Nazarov, Elnur Beisenbaev pen Samat Musabaevqa aqparattyq shabýyl jasady. Bizdiń jeke basymyzǵa ótip, kelemejdedi. Sol úshin arnaiy kontent ázirlenip, taratyldy. Bul - baryp turǵan bassyzdyq, zań shyǵarýshy organnyń ókilderine qysym jasaý, adam quqyǵyn taptaý", - dedi ol.
Depýtattyń aitýynsha, olar qoǵamdy azǵyndyqqa úndep, keń aýqymda nasihattaý jumysyn júrgizip jatyr.
"Búginge deiin ulttyq qundylyqtardy joiýǵa baǵyttalǵan ásirefeministik, LGBT qaýymdastyǵy arnaiy, josparly túrde shetelden milliondaǵan dollar qarjy alyp otyr. Bul - men keltirgen birneshe ǵana mysal.
Sondyqtan bizdiń LGBT-ny nasihattaýdy zańmen shekteý boiynsha qabyldap jatqan normalarymyz keibir halyqaralyq uiymdar men belsendiler aityp júrgendei eshqandai adam quqyǵyn shekteýge baǵyttalmaǵan. Kerisinshe, bul normalar dástúrli otbasylyq institýtty buzýdan jáne balalar men jasóspirimderdi destrýktivti ideologiialardan qorǵap, ulttyq qaýipsizdigimizdi saqtaýǵa, halqymyzdyń rýhani immýnitetin nyǵaitýǵa septigin tigizedi", - dedi depýtat.
