Bar ma, joq pa?
Bul týraly búgin Astanada ótken baspasóz máslihatynda «QazMunaiGaz» UK» AQ-nyń munai marketingi, tasymaldaý jáne óńdeý boiynsha vitse-prezidenti mindetin atqarýshy Daniiar Tiesov habarlady.
«92-benzinniń óńirlerdegi qory shamamen 200 tonnany quraidy, bul ázirge benzin jaǵdaiy qalypty dep aitý úshin jetkilikti. Qazaqstandaǵy 92-shi benzindi tutynýdyń táýliktik normasy – 10 myń tonna. Elimizdegi úsh munai óńdeý zaýytynan kúnine 8,5 myń tonna benzin alynady jáne táýligine 3-4 myń tonna benzin importpen jetkiziledi», – dedi D.Tiesov.
«QazMunaiGaz» ókili AI-95 markasyna qatysty jaǵdai ózgeshe ekenin atap ótti.
«95-shi benzin boiynsha jaǵdai sál qiyndaý, kei óńirlerde shekteý qoiyldy jáne OQO, ShQO, Almaty jáne Qyzylorda oblystarynda kartalar men talondar boiynsha satylyp jatyr. Qalǵan óńirlerde shekteý joq. Qazaqstan boiynsha AI-95 benzininiń 14,5 myń tonna qory bar, bir aiǵa shamamen 20 myń tonna qajet», – dep atap ótti ol.
Sol sebepti, kompaniia ókilderiniń aitýynsha, qazaqstandyq munai óńdeý zaýyttarynyń bir bóligi AI-95 markasyn shyǵarýǵa kóshken.
«Dizeldi otyn boiynsha biyl shamamen 168 myń tonna qorymyz bar. Tutas respýblika boiynsha janar-jaǵarmai materialdary jaǵdaiy turaqty», – dep tolyqtyrdy óz sózin Daniiar Tiesov.
