Áýezov aýdannyń segiz shaǵyn aýdanynda Jandosov – Saıyn – Shalápın – Qarǵaly ó. qalalyq sýmen jabdyqtaý jáne sý berý jelileri joq. Munda 65 kópqabatty jáne 847 jeke úı ornalasqan, barlyǵy 11,2 myń abonent bar. Qala ákiminiń tapsyrmasy boıynsha ortalyqtandyrylǵan sýmen jabdyqtaý jáne sý burý júıesiniń qurylysynyń jobalyq-smetalyq qujattary jasalady. Sýmen jabdyqtaý jelisiniń uzyndyǵy – 74 shaqyrym, sýdan burý jelisiniń uzyndyǵy – 35 shaqyrym.
Baqytjan Saǵyntaev sonymen qatar aýdannyń áleýmettik ınfraqurylymynyń damý qarqynyn tekserdi. Mamyr shaǵyn aýdanynda №18 emhanaǵa qarasty ambýlatorıa bar. Úı-jaıdyń tar bolýyna baılanysty sapaly medısınalyq qyzmet kórsetý múmkin emes. Munyń sheshimi – B. Saǵyntaevtyń tapsyrmasy boıynsha kúzde dál dál osy shaǵyn aýdanda aýysymynda 200 kelýshige arnalǵan jańa otbasylyq-dárigerlik ambýlatorıaǵa arnalǵan jańa ǵımarat salý. Ambýlatorıa kelesi kóktemde paıdalanýǵa beriledi dep josparlanǵan.
Almaty ákimi sondaı-aq №4 shaǵyn aýdandaǵy №6 emhanada júrgizilgen kúrdeli jóndeýlerge baǵa berdi. 1965 jyly salynǵan ǵımaratty jóndeý kezinde súzgiler men jeldetý júıeleriniń bolýyna arnalǵan zamanaýı standarttar eskerildi. Búginde 58 myń adamǵa qyzmet kórsetetin emhana 88% medısınalyq jabdyqtarmen jabdyqtalǵan. KT jáne MRT apparattaryn jetkizý kútilýde, sodan keıin jabdyqtar 100%-dy quraıdy.
B. Saǵyntaev emhanaǵa barǵan kezde medısınalyq bólimder men vaksınasıa bólmesin qarap shyqty. Emhanaǵa tirkelgen turǵyndardan 10 myńnan astam adam koronavırýsqa qarsy vaksınasıalanǵan. Qala ákimi vaksına alyp, 30 mınýttyq baqylaýda bolǵan almatylyqtarmen sóılesip, olarǵa densaýlyq tiledi.
Aqsaı-2 shaǵyn aýdanynda №121 mekteptiń jańa ǵımaratynyń qurylysy aıaqtalýda. 450 oryndy ǵımaratta árleý jumystary júrgizilýde. Munda 1-4 synyp oqýshylary bilim alatyn bolady. Synyptardyń jańa bólmelerin qarap shyqqan qala ákimi B. Saǵyntaev paıdalanylatyn materıaldardyń sapasyna basa nazar aýdarýdy, sonymen qatar qasbetin bezendirý kezinde ashyq tústerdi qoldanýdy tapsyrdy. Jalpy, Áýezov aýdanynda3,6 myń oryndy mektepterdiń bes jańa korpýstary salynýda.
Baqytjan Saǵyntaev sondaı-aq «Mamyr-1» shaǵynaýdanyndaǵy «Búdjetke qatysý» jobasy aıasynda júrgizilgen aýlalardy abattandyrý jumystarynyń sapasyn tekserdi. Jaqyn mańdaǵy úılerdiń turǵyndary jóndeý kezinde eskeriletin sporttyq jáne oıyn alańdaryna qatysty tilekterin bildirdi. Qala ákimi turǵyndarǵa bos ýaqytty ótkizýge qolaıly jaǵdaı jasaý maqsatynda jumysty jedeldetýdi tapsyrdy.
Megapolıs ákimi Iassaýı jáne Tóle bı kósheleri boıyndaǵy jaıaý júrginshiler aımaqtaryn, «Búdjetke qatysý» jobasy aıasynda abattandyrylǵan Shalápın jáne Saıyn kósheleri burylystarynyń aýmaqtaryn aralap kórdi. «Búdjetke qatysý» jobasy aıasynda aýdanda 22 joba júzege asyrylýda, onyń 7-ýi qoǵamdyq oryndardy abattandyrý, 14-ýi 16 aýlany jóndeý, 6-ýy Saıyn kóshesindegi KQTÚ-diń qasbetterin bezendirý.
Jalpy, bıyl №3 jáne №6 shaǵyn aýdandardaǵy 73 aýla aýmaǵyn kúrdeli jóndeý bastaldy. «Búdjetke qatysý» jobasy boıynsha aýlalardy abattandyrýǵa qatysty 16 joba tańdaldy.
Aýdanda Momyshuly kóshesi boıyndaǵy Shalápın kóshesinen Raıymbek dańǵylyna deıingi jaıaý júrginshiler joly ortasha jóndeýden ótip jatyr. Jumystyń barysymen tanysqannan keıin Baqytjan Saǵyntaev aýmaqtardy kógaldandyrýǵa nazar aýdarýdy jáne ekpelerdi sýarýdy qamtamasyz etýdi tapsyrdy.
Jumys sapary kezinde Baqytjan Saǵyntaev Saıran kóliniń aınalasyn abattandyrý jobalarymen de tanysty. Megapolıs ákiminiń tapsyrmasy boıynsha qalyptasqan ekojúıeni buzbaı, aýmaqty serýendeý, belsendi jáne jaıly demalys aımaqtaryna bólý qajet.
