– Teledıdardy kórgen kezde júregiń aýyrady. Aldanyp qalǵan úleskerlerge obal. Nege osyndaı ádiletsizdikke jol berip otyrsyzdar? Qashan kórseńiz, qarapaıym halyq qınalyp júredi. Meniń depýtat bolǵanyma 6 jyl boldy. Qashan kórseńiz de qurylys salasyna mıllıon, mıllıard qarjy bólinedi. Sonda da qarapaıym halyqtyń baspanasy joq. Olar áli kúnge deıin baspanasyz ómir súrip jatyr. Másele áli kúnge deıin sheshilgen joq, – dedi ol.
Keıin halyq qalaýlysy Keńes ýaqytynda baspana máselesi baıaý bolsa da sheshiletindigin alǵa tartty. Al qazir bul problema áli kúnge deıin sheshimin tappaǵan.
– Keńes ýaqytynda da baspana máselesi boldy. Biraq bul problema sheshiletin. Alaıda qazirgi tańda qanshama uıym, vedomstvo, bank, baǵdarlamalar bar. Biraq másele áli kúnge deıin sheshilmeı kele jatyr, – dep túıindedi sózin Baqytjan Ertaev.
