Depýtat Baqytjan Bazarbek Almatydaǵy taǵy bir bylyqty áshkereledi, dep habarlaıdy Dalanews.kz.
Bazarbektiń sózinshe, bul jaıt Naýryzbaı aýdanynda bolyp jatyr.
"Úsh jyl bılik tarapynan eshqandaı áreket joq! Úlken log qurylys qaldyqtarymen kómilip, ekojúıe joıyldy, taýly aımaqtyń bıoalýantúrliligi joǵaldy. Ákimdik, polısıa jáne baqylaý organdary únsiz. Ekologıalyq qylmysqa kim jaýap beredi?" - dedi ol.
Sonymen qatar, depýtat Baqytjan Bazarbek oqıǵa ornynan vıdeo jarıalady.
Buǵan deıin ol qarapaıym halyq Qapshaǵaı sý qoımasy men İle ózeniniń arnasyna erkin óte almaı otyrǵanyn málimdedi.
"Sý jaǵalaýy beton dýaldarmen qorshalǵan. Bul – azamattardyń sý resýrstaryna erkin qol jetkizý quqyǵyn óreskel buzý! Men, Májilis depýtaty, jer salasynyń sarapshysy retinde, bul máselege beı-jaı qaraı almaımyn. Jerler memleketke qaıtarylýǵa tıis! Zańsyz berilgen ýchaskelerdi kimniń ıemdenip alǵany anyqtalady. Artynda laýazymdy, yqpaldy tulǵalar tursa da, zań bárine ortaq!" - dedi depýtat.
Baqytjan Bazarbek Prezıdent Ákimshiligin jáne Bas prokýratýrany bul máseleni erekshe baqylaýǵa alýǵa shaqyrdy.
