Baqytjan Baıjanov Bıshimbaev qysym kórsetip jatqanyn jáne bólek otyrǵysy keletinin aıtty

Kórkem Aldabergenova 03 sáý. 2024 16:06 4009

Baqytjan Baıjanov Bıshimbaevqa qatysty sot otyrysynda ózine qysym jasalyp jatqanyn aıtty, - dep habarlaıdy Dalanews.kz.

Sot otyrysynda Baıjanov Bıshimbaevtan bólek otyrǵysy keletinin málimdedi.

"Bıshimbaevtyń Baıjanovqa sóıleýge múmkindigi bolmasa eken. Baıjanov ózine qysym kórsetilip jatyr dep sanaıdy. Olardyń arasynda qaqtyǵys bolyp jatyr. Tym quryǵanda erteń (bólek otyrsa - esk.)", - dedi Baıjanovtyń advokaty.

Muny Baıjanovtyń ózi de rastady.

"Ol maǵan jaýap berý kezinde "bylaı aıt, bylaı aıt" dep qysym kórsetip jatyr", - dedi Baıjanov.

Eske salaıyq,aǵasyna kómektesken Baqytjan Baıjanovqa Qylmystyq kodekstiń eki baby boıynsha aıtyp taǵylǵan: 432-baby (asa aýyr qylmysty jasyryp qalý) jáne 434-baby (asa aýyr qylmysty habarlamaý). 

Buǵan deıin qaıǵyly oqıǵa bolǵan meıramhanada jumys istegen qyzmetker Bıshimbaevtyń inisi vıdeolardy qalaı óshirtkenin aıtqan bolatyn.

"9 qarashada tańǵy saǵat 10-da jumysqa keldim. Kabınetke kelip, noýtbýkty ashtym. Meniń jumysym - jalǵa alýshylarmen kezdesý bolatyn. Ádettegideı jumysymdy istep júrdim. 12.00-13.00 shamasynda meıramhanalardy aralap shyǵamyn. Sol kúni 13.00-de meıramhanany aralap shyqtym, birinshi qabatta bári jumys istep turdy. Ekinshi qabattaǵy BAU meıramhanasy jumys istemeı turdy. Ákimshiden nege ashylmaǵandaryn suradym. Ákimshi olarda sanıtarlyq kún ekenin aıtty. Men jaqsy dep óz jumysymmen kete berdim", - deıdi kýáger. 

Sol kúni 14.00 shamasynda ákimshi kelip, Baqytjan Baıjanov (Bıshimbaevpen birge sotta kúdikti retindegi adam) habarlasyp, beınekameradaǵy vıdeolardy óshirýdi suraǵan. 

"Búkil gastroortalyqtaǵy vıdeony óshirýdi surady. Artynan Baqytjan Baıjanov ta kelip vıdeolardy óshirýimdi surady. Ne úshin óshirý keregin naqtylamadym", - deıdi kýáger. 

Meıramhananyń burynǵy qyzmetkeri shamamen 15 mınýttaı server kabınetinde bolyp, vıdeolardy óshirip, shyǵyp ketken. 

"Vıdeolardy kórgen joqpyn. Men dıspecherlik kabınetten shyǵyp, kiltti ákimshige berip, kettim", - deıdi kýáger.  


Usynylǵan
Sońǵy jańalyqtar
TELE2 - BASTYQ1
22 sáý. 2024 18:05
x