Almatylyqtardyń sailaýdaǵy belsendiligin Sverdlov oblysynyń Zań shyǵarýshy jinalysynyń depýtaty, Resei Federatsiiasynyń Sverdlov oblysynyń Zań shyǵarýshy jinalysynyń óńirlik saiasat jáne jergilikti ózin ózi basqarýdy damytý komitetiniń tóraǵasy Mihail Zýbarev atap ótti.
– Baqylaý institýty sailaý protsesin zańdylyqty qamtamasyz etetin eń mańyzdy institýt bolyp tabylady. Bizdiń top Almaty qalasynyń ártúrli aýdandarynda, iaǵni Alataý, Medeý jáne Áýezov aýdandarynda 18 nysandy aralady. Osy sailaý ýchaskelerinde turǵyndardyń daýys berýge daiyndyǵy men ótkizilýiniń joǵary deńgeiin baiqadyq.
Sailaýǵa ulttyq baiqaýshylardyń da qyzyǵýshylyq tanytyp otyrǵany qýantady. Árbir jeke ýchaskede onnan astam ulttyq baqylaýshylar bar, – dedi spiker.
Sheteldik sarapshylardyń aitýynsha, sailaý ýchaskelerinde azamattardyń daýys berýine kedergi bolatyn zań buzýshylyqtar anyqtalǵan joq.
Sózin qorytyndylai kele, spiker múmkindikti paidalanyp, el halqyn kele jatqan Naýryz meiramymen quttyqtady.
Eske sala keteiik, Almatyda 602 sailaý ýchaskesi bar. 1,2 millionnan astam sailaýshyǵa daýys berý ýaqyty, orny jáne sailaý ýchaskeleriniń mekenjailary kórsetilgen shaqyrý qaǵazdary berildi.
