Qazaqstandyqtardyń jasyryn tabysyn Qarjy ministrligi anyqtaidy, dep habarlaidy Dalanews.kz.
Ministrlik «Salyq salý obektilerin jáne (nemese) salyq salýǵa bailanysty obektilerdi janama ádispen anyqtaý qaǵidalaryn bekitý týraly» buiryq jobasyn ázirledi.
Qujat salyq júiesiniń ashyqtyǵy men ádildigin arttyrýǵa baǵyttalǵan. Jobaǵa sáikes, memlekettik kirister organdary bul tetikti salyq tóleýshi esep júrgizý tártibin buzǵan jaǵdaida, sondai-aq eseptik qujattardy joǵaltqan nemese joiǵan kezde qoldana alady.
Janama ádistiń máni mynada: bastapqy qujattar bolmaǵan nemese burmalanǵan jaǵdaida salyq organdary balama derekkózderdi paidalanady.
Atap aitqanda, salyq tóleýshiniń aktivteri men múlki, mindettemeleri, ainalymdary, kiristeri, shyǵyndary men jumsaǵan qarajattary týraly aqparat negizge alynady.
