Buǵan deıin premer Smaıylov: "Jeke tulǵalardyń bankrottyǵy týraly zań óziniń tıimdilinin kórsetti. Bul 10 myńnan astam azamattyń qaryz júktemesin azaıtýǵa múmkindik berdi" degen edi.
Zańnyń negizgi normalary 2023 jyldyń 3 naýryzynan bastap kúshine endi. Onyń qoldanylý merzimi osy Zańmen shektelmegen.
Nesıelik raqymshylyqtan aıyrmashylyǵy, bankrottyqta aıtarlyqtaı shekteýler bar: bul bes jyl ishinde jańa nesıeler alýǵa tyıym salý, úsh jyl ishinde qarjylyq jaǵdaıdy baqylaý.
Sarapshynyń atap ótkenindeı elimizdiń 7 mıllıonnan astam azamatynyń tutynýshylyq nesıeleri bar. Onyń 1,5 mıllıonǵa jýyǵy tólemder boıynsha keshiktirilýleri bar.
"Jalpy, Prezıdent halyqty nesıelendirýmen kúresý kerek ekenin birneshe ret aıtyp, tabysy eń tómengi kúnkóris deńgeıinen tómen adamdarǵa tutynýshylyq qaryzdar bermeýdi tapsyrǵan bolatyn. Osy turǵyda atalmysh zańdy qabyldaý biraz adamǵa kómek retinde qarastyrýǵa bolady. Degenmen, Qarjy naryǵyn retteý Agenttigi tarapynan qaryz alýshylardyń tólem qabilettiligin baǵalaý bóliginde qadaǵalaý áli de bolsa kúsheıtilýge tıis. Eger bul shart buzylǵan jaǵdaıda nesıe bergen ekinshi deńgeıli bankterdiń jaýapkershiligin qatań talap etý qajet", - deıdi Qazybek Maıgeldi.
