Balaqai, týǵan ólkeńdi tany jáne súi!
Oblys ákimdiginiń bilim basqarmasy men «Zolotoi karavan» týristik ortalyǵy» JShS-niń uiymdastyrýymen ótip jatqan baiqaýǵa 10 men 18 jas aralyǵyndaǵy oblysymyzdyń bilim mekemeleriniń oqýshylary, sonyń ishinde internattyq mekemelerdiń, balalar úiiniń tárbielenýshileri men múmkindigi shekteýli balalar qatysýda.
Baiqaýdyń basty maqsaty oqýshylardyń týǵan ólke tarihymen tanystyrý arqyly Otanǵa degen súiispenshilik pen qyzyǵýshylyǵyn arttyryp, balanyń tanymdyq, intelektýaldyq oi-órisin damytý.
Eki kezeńnen turatyn shyǵarmashylyq saiys 2017 jyldyń 15 naýryzy men 17 mamyr aralyǵyn qamtidy. Birinshi kezeńde (15 naýryzben 28 sáýir aralyǵy) oqýshylar kóne shahar Tarazdy arnaiy kestege sáikes aralaidy. Al, ekinshi kezeńde (2-12 mamyr aralyǵy) «Kóne Taraz tarihy» taqyrybymen shyǵarmashylyq jumys jazatyn bolady. Sonymen qatar, «Kóne Taraz sýretteri» taqyrybymen kieli Áýlieata óńiriniń tarihi oryndaryn qaǵaz betine túsiredi. Túrli janrdy qamtityn bul kezeńde balalarǵa barynsha erkindik beriledi.
Balalarǵa shabyt syilap, tanym kókjiegin keńeitetin baiqaýda jeńiske jetken jeńimpazdar arnaiy maqtaý qaǵazdarymen, diplomdarmen marapattalady. Sondai-aq, eń úzdik jumys avtorlaryna «EKSPO-2017» halyqaralyq mamandandyrylǵan kórmesin aralaýǵa joldama beriletin bolady.
Jambyl oblys ákiminiń baspasóz qyzmeti
