Aqtaýlyq kásipker balalarǵa tegin balmuzdaq pen iogýrt taratamyn dep ákimshilik jaýapkershilikke tartyldy, dep habarlaidy dalanews.kz Almaty.tv-ǵa siltep.
Qala ákimdigi málimetinshe, oqiǵa 1 tamyzda 14-shaǵynaýdanda ornalasqan kásipkerlik nysandardyń birinde bolǵan. Saýda orny ashylýyna orai kásipker balalarǵa tegin 50 balmuzdaq pen 30 iogýrt úlestirgen.
"Alaida mundai aktsiiany ótkizer aldynda jergilikti atqarýshy organnan tiisti ruqsat alýy qajet", - deidi qala ákimdigi ókilderi.
Osy talap saqtalmaǵandyqtan, kásipkerge Ákimshilik quqyqbuzýshylyq týraly kodeks talaptaryna sáikes 20 ailyq eseptik kórsetkish (86 500 teńge) kóleminde aiyppul salyndy.
"Osyndai is-sharalardy ótkizer aldynda jergilikti atqarýshy organnyń tiisti ruqsatyn alý qajet. Sondai-aq, balalardy qýantý úshin qaýipsiz ári zańdy tásilderdi qarastyrǵan jón. Óitkeni mundai aktsiialar kezinde adamdardyń jappai jinalýy túrli qolaisyz jaǵdaiǵa sebep bolýy múmkin", - dep málimdedi qala ákimdigi ókilderi.
