Balalardyń jazǵy demalysy kezinde qala-aýdanaralyq kólik qatynasy jiileitini belgili. Balalardyń joldaǵy qaýipsizdigin bilgenińiz abzal, - dep habarlaidy Dalanews.kz.
Dúniejúzilik taldaýlar kóliktegi avtooryndyqtar, býsterler jáne adapter qurylǵylary balalardyń jol qozǵalysyndaǵy jaraqat alýynan qorǵaitynyn dáleldegen. Biz balalarǵa qaýipsizdik deńgeiin baǵalaýdy úirenýge jáne qiyn jaǵdailarda ózderin senimdi sezinýge kómektesýimiz kerek. 12 jasqa tolmaǵan bala kólikke mindetti túrde arnaiy avtooryndyq arqyly otyrǵyzylýy tiis ekenin bilgenińiz abzal. Talap saqtalmaǵan ákimshilik jaýapkershilik kózdelgen.
Jaiaý júrginshilerdiń ádette belgilenbegen jerden joldy kesip ótip, jaqyndap qalǵan kóliktiń aldynan júgirip ótý kezinde jáne baǵdarshamnyń tyiym salynǵan signalyna mán bermegen jaǵdaida jol-kólik oqiǵasyna ushyraý qaýpi joǵary.
Balalardyń joldan ótý erejesin bilýi qaýipsizdik úshin mindetti.
Alys saparlarǵa balalardy ózdiginen úlkenderdiń qaraýynsyz kólikke otyrǵyzyp jibermeńiz. Jol qozǵalysynyń ár sekýndy men minýty qaýipsizdikti talap etedi.
Saqtyqta qorlyq joq, saqtanyp júrińizder, sátti sapar bolsyn.
