«Media-etika jáne balalar quqyqtaryn qorǵaý» dóńgelek ústeliniń qatysýshylary, Qazaqstandaǵy balalardyń quqyqtaryn qorǵaýdyń erekshe mańyzdylyǵyn jáne Memleket basshysy Q.Toqaevtyń osy másele boiynsha bergen tapsyrmalaryn basshylyqqa ala otyryp, qoǵamdyq uiymdardyń, memlekettik organdardyń, buqaralyq aqparat quraldarynyń bala quqyqtaryn qorǵaýǵa baǵyttalǵan sharalardy ázirleýdegi kúsh-jigerin jumyldyrý qajettiligin eskere otyryp, media keńistikte jariialaý kontekstinde kámeletke tolmaǵandarmen bailanysty býlling, kiberbýlling, sýitsid, zorlyq-zombylyq jaǵdailarynyń kóbeiýine qatysty jurtshylyqtyń alańdaýshylyǵyn qaperge ala otyryp, dóńgelek ústelge qatysýshylardyń usynystaryn taldap, naqty usynymdardy jasaý týraly kelisimge keldi.
- BUU Bas Assambleiasynyń 1989 jylǵy 20 qarashadaǵy qararymen qabyldanǵan «Bala quqyqtary týraly Konventsiianyń» Erejelerin basshylyqqa alý;
- Memlekettik organdardyń, halyqaralyq uiymdardyń, qoǵamdyq birlestikterdiń jáne buqaralyq kommýnikatsiia quraldarynyń balalarmen bailanysty quqyqqa qaishy jaǵdailardy jariialaý kontekstinde jurtshylyqtyń media-saýattylyǵyn arttyrý jónindegi kúsh-jigerin biriktirý;
3.1 «Qazaqstan Respýblikasyndaǵy otbasylyq-turmystyq zorlyq-zombylyqqa qarsy is-qimyl týraly» Ulttyq baiandama sheńberinde BAQ-tyń balalarǵa qatysty zorlyq-zombylyqtyń aldyn alýdaǵy yqpaly taqyrybynda zertteý júrgizýdi kózdeý;
3.2 balalarǵa qatysty zorlyq zombylyqtyń aldyn alý taqyrybynda seminar men treningter uiymdastyrý;
3.3 jýrnalisterge balalarǵa qatysty zorlyq-zombylyq jáne sýitsid faktilerin jariia etý boiynsha halyqaralyq qujattardyń erejelerin jáne qalyptasqan tájiribeni eskere otyryp nusqaýlyq ázirleý (balalardyń jeke derekterin jariia etýge tyiym salý, shamadan tys egjei-tegjeidi jariialamaý jáne t.b.);
3.4 balalarǵa baǵyttalǵan jáne balalardyń qatysýymen jasalǵan kontent ázirleý.
- media-keńistikte bala quqyqtaryn qorǵaýdy kúsheitýge baǵyttalǵan granttardy qarastyrý;
- telearnalarda óndiriletin serialdyq ónim sheńberinde Balalardyń quqyqtaryn qorǵaýǵa baǵyttalǵan taqyryptyq jelilerdi kózdeý;
- buqaralyq aqparat quraldarynda arnaiy aidarlar, bólimder ashyla otyryp, materialdar (maqalalar, siýjetter, derekti filmder, beinerolikter) sanyn ulǵaitýdy qamtamasyz etý;
- buqaralyq aqparat quraldaryndaǵy media-etika jónindegi turaqty komissiia qurý.
Osy usynymdardyń iske asyrylýyn baqylaý Qazaqstan Respýblikasy Aqparat jáne qoǵamdyq damý ministrligine júktelsin.
