Býrabai aýdanynda «Baldáýren» ortalyǵynda zań buzýshylyqtar anyqtaldy, dep habarlaidy Dalanews.kz.
Býrabai aýdany prokýratýrasy RMQK «Baldáýren respýblikalyq oqý-saýyqtyrý ortalyǵynyń» qyzmetine tekserý júrgizip, sanitarlyq-epidemiologiialyq talaptardyń júieli buzylýyn jáne lagerdiń jobalyq qýatynyń asyra paidalanylǵanyn anyqtady.
Tehnikalyq pasportqa sáikes, ortalyq 400 orynǵa arnalǵan. Alaida is júzinde bir aýysymda 574 bala ornalastyrylǵan, bul ruqsat etilgen normadan 43%-ǵa artyq.
Balalardy ornalastyrý úshin 12 oqý kabineti paidalanylǵan. Bul bólmeler sanitarlyq toraptarmen jabdyqtalmaǵan, gigienalyq talaptarǵa sai kelmeidi jáne kámeletke tolmaǵandardyń densaýlyǵyna qaýip tóndiredi. Norma boiynsha bir bólmede 6 bala bolýy tiis bolsa, is júzinde 9 balaǵa deiin ornalastyrylǵan.
Airyqsha nazar aýdartatyny – memlekettik kvota esebinen tegin demalyp jatqan balalar tar jáne qolaisyz bólmelerde ornalassa, al aqyly negizde kelgen balalar bólek, barlyq jaǵdaiy jasalǵan bólmelerge jaiǵastyrylǵan.
Anyqtalǵan zań buzýshylyqtardy joiý, kináli tulǵalardy jaýapkershilikke tartý jáne bolashaqta balalardyń ómiri men densaýlyǵyna qater tóndirmeý maqsatynda prokýrorlyq qadaǵalaý sharalary qabyldandy.
