«Barlyq baıandamashylarǵa aıtarym, slaıdtyń bári oryssha bolǵannan keıin ózderińizdiń baıandamalaryńyzdy qazaqsha jasaýǵa bolady ǵoı. Óıtkeni, bul jınalysymyz feısbýkte ótip jatyr. Buǵan qosa, biz aqparattandyrý máselesin aıtyp otyrmyz. Al memlekettik tilde aqparat jetkilikti emes. Jumysymyz orys tilinde júrgizilgennen keıin halyq túsinbeı otyr», - dep eskertti mınıstr.
Onyń atap ótýinshe, baıandamashynyń slaıdy orys tilinde bolsa, onda baıandamasyn qazaq tilinde jasaýy qajet.
«Slaıdtarymyz oryssha jasalsa, baıandamany qazaqsha jasaýǵa bolady. Ne bolmasa slaıdtardy qazaqsha, baıandamany oryssha jasasaq. Komısıa músheleri jáne baıandamashylar osy máseleni qaperde ustaý qajet sıaqty», - dedi Aıda Balaeva.
Aıta keteıik, Aıda Balaevanyń tóraǵalyǵymen onlaın formatta ótken Aqparatqa qol jetkizý máseleleri jónindegi komısıanyń otyrysynda múmkindigi shekteýli adamdardyń aqparatqa qol jetkizý máseleleri, memlekettik organdardyń ashyqtyq deńgeıin jyl saıynǵy baǵalaýdyń negizgi qorytyndylary, memlekettik organdardyń ınternet-resýrstarynyń biryńǵaı tuǵyrnamasynyń jumysy, sondaı-aq «Ashyq búdjetter» portalyn jetildirý boıynsha jumys josparynyń oryndalýy talqylandy.
