– Búgin Májiliste aqparatqa qol jetkizý jáne qoǵamdyq qatysýy týraly zań jobasy tanystyryldy.
Zań jobasynyń negizgi maqsaty – «Halyq únine qulaq asatyn memleket» tujyrymdamasyn odan ári iske asyrý jáne barlyq bilik tarmaqtarynyń ashyqtyǵy deńgeiin arttyrý.
«Ashyq NQA» portalynda qoǵamdyq talqylaýlar ótkizý jáne depýtattyq zań jobalary boiynsha retteýshilik áserdi taldaý máselesi tóńireginde qyzý pikirtalas boldy.
Qazirgi kezde qorytyndy jasaýǵa áli erte ekenin aita ketkim keledi. Zań jobasy boiynsha jumys toby endi ǵana óz jumysyn bastamaq.
Úkimet depýtattyq korpýspen birlesip, talqylaýlardan keiin eki jaqqa da qolaily sheshim shyǵarady dep paiymdaimyn.
Esterińizge sala keteiin, «Aqparatqa qol jetkizý týraly» Qazaqstan Respýblikasynyń Zańy 2015 jyldan beri qoldanysta jáne azamattardyń aqparatqa qoljetimdiligin arttyrýǵa, sondai-aq aqparat ielenýshiler qyzmetiniń ashyqtyǵy men qoǵam aldyndaǵy eseptiligin qamtamasyz etýge baǵyttalǵan, – dep Aida Balaeva áleýmettik jelide jazba qaldyrdy.
