Maýsym aıynyń úshinshi jeksenbisi aq halatty abzal jandardyń tól merekesi. Aıtýly kún qarsańynda Pedıatrıa ortalyǵynda saltanatty jıyn ótti. Jıynda balalar densaýlyǵyn nyǵaıtý jolynda eleýli eńbek sińirip, densaýlyq saqtaý isin damytýǵa aıyryqsha úles qosyp kele jatqan Pedıatrıa jáne balalar hırýrgıasy ǵylymı ortalyǵynyń dárigerleri QR Densaýlyq saqtaý mınıstrliginiń joǵary nagradalarymen marapattaldy. 
Medısına salasynyń úzdikterin Pedıatrıa jáne balalar hırýrgıasy ǵylymı ortalyǵynyń Basqarma Tóraǵasynyń klınıkalyq qyzmetter jónindegi orynbasary Asyljan Erekeshov pen Basqarma tóraǵasynyń ǵylymı jáne ınovasıalyq qyzmetter jónindegi orynbasaryLázat Manjýova marapattap, barsha qaýymdy kásibı merekemen quttyqtady.
QR Densaýlyq saqtaý mınıstrliginiń «Densaýlyq saqtaý isine qosqan úlesi úshin» tósbelgisimen bar ǵumyryn balalar saýlyǵyna arnap kele jatqan dárigerler: Sáýlelik dıagnostıka bóliminiń dárigeri Elena Hen, onkogematolog dáriger Mýhabbat Remkýlova, meıirbıke Kúlásh Rymova, feldsher laborant Aıgúl Jańabaeva marapattalyp, qurmetke bólendi.
Al, «Densaýlyq saqtaý isiniń úzdigi» medalimen:Kardıohırýrgıa reanımasıasy, anestezıologıajáne qarqyndy terapıa bóliminiń meńgerýshisi Atham Nalıbaev, №3 balalar onkologıasy jáne gematologıa bóliminiń onkogematolog dárigeri Ásel Muratova, Fýnksıonaldyq dıagnostıka jáne fızıoterapıa bóliminiń neıromıografıa dárigeri Elena Levchenko, Dıagnostıkalyq keńes berý bóliminiń meıirbıkesi Shynarkúl Ybyraıymova marapattalyp, eren eńbekteri baǵalandy.
Balalar densaýlyǵyn saqtaý salasyndaǵy jemisti eńbegi men densaýlyq saqtaý júıesin damytýǵa qosqan úlesi úshin berilgen Qurmet gramotalarymen: Neonatologıa jáne jańa týǵan náresteler reanımasıasy bóliminiń meńgerýshisi Nursultan Qurbanbekov, meıirbıke Ardaq Muqıeva, meıirbıke Gúlnur Ilgıdaeva, tazalyqshy Merýert Iýsýpova marapattaldy.
Densaýlyq saqtaý isine qosqan úlesi men minsiz adal eńbegi úshin QR Densaýlyq saqtaý mınıstrliginiń Alǵys hatymen: hırýrg Shalqar Qasenov, meıirbıke Quralaı Eleýsinova, meıirger Berik Buzyqbasov, elektrık Vıtalıı Emelánov marapattalyp, erekshe syı-qurmetke bólendi.
Sonymen qatar, medısına salasynda uzaq jyldan beri qyzmet jasap kele jatqan qyzmetkerler: esepshi Rýshangúl Áshimova men Sharýashylyq qyzmetter bóliminiń mamany Jumaqan Úrkimbaev «Eńbek ardageri» medalimen marapattaldy.
Shara barysynda sonymen qatar, balalar dárigerleri men ortalyq qyzmetkerleri J.Asfendıarov atyndaǵy Qazaq ulttyq medısına ýnıversıtetiniń medaldarymen jáne «AQNIET» Qazaqstandyq densaýlyq saqtaý qyzmetkerleriniń salalyq kásipodaǵynyń Alǵys hattarymen marapattaldy.
Elimizdiń medısına salasynyń ǵylymy men biliminiń damýyna úles qosyp kele jatqan Ortalyq mamany, Ǵylym bóliminiń basshysy Aıgúl Bazarbaeva J.Asfendıarov atyndaǵy Qazaq ulttyq medısına ýnıversıtetiniń Altyn medalimen, Endoskopıa sektorynyń medbıkesi Roshangýl Bahnıazova Kúmis medalmen, Pýlmonologıa bóliminiń medbıkesi Qaraqat Dosymova Qola medalmen marapattaldy.
Sonymen qatar, J.Asfendıarov atyndaǵy Qazaq ulttyq medısına ýnıversıtetiniń Qurmet gramotasymen №2 hırýrgıa bóliminiń meıirgeri Dalelhan Rahmetov, Alǵys hatymen Klınıka-dıagnostıkalyq zerthananyń sharýa-bıkesi Lázzat Moldabekova marapattaldy.
Al, «AQNIET» Qazaqstandyq densaýlyq saqtaý qyzmetkerleriniń salalyq kásipodaǵynyń Alǵys hattarymen Hırýrgıa bóliminiń onkolog dárigerleri – Shýhrat Rozıev pen Azamat Kýbıev jáne Endoskopıa bóliminiń sanıtary Kýlbaram Kýrbanova marapattaldy.
Barsha marapat ıelerin eńbekteriniń jemisimen quttyqtaımyz!
Adam densaýlyǵy, urpaq, bala saýlyǵy qaı ýaqytta da eń basty qundylyq bolyp esepteledi. Adamzattyń saýlyǵy úshin, ásirese jas urpaqtyń amandyǵy úshin alańdap, dertke shıpa izdep, aýyrǵan jannyń kóńiline kirbiń túspeý jolynda atqaryp júrgen, adam janynyń arashashysy – aq halatty abzal jandardyń eńbekteri qandaı marapatqa bolsa da laıyq.
Kóptegen búldirshinderge qaıta jaryq syılap, ómir súrýge múmkindik berip, densaýlyǵyn jaqsartýǵa úles qosyp kele jatqan barsha dárigerlerdi kele jatqan kásibı merekelerimen quttyqtaı otyra, eńbekterine Myń alǵys deımiz!
Pedıatrıa jáne balalar hırýrgıasy ǵylymı ortalyǵynda bar ómiri men qyzmetin kishkentaı náresteler men balalar densaýlyǵyna arnap kele jatqan 700-den astam qyzmetker aıanbaı qyzmet etýde.
