Qaǵazdyń qalyńdyǵyndaı tym juqa qamyrdan, arasyna úgitilgen jańǵaq, ústine eritilgen qant sýy quıylǵan baklava – túrik halqynyń eń tanymal táttisi. UNESCO shyǵarmashylyq qalalar júıesindegi Gazıantep óziniń baklavasymen «Atlas taste» tizimimen qatar Eýropalyq Odaq komısıasynyń sheshimimen, «dámi erekshe túrik táttisi» ataldy. Kúndelikti as barysynda, syıly qonaqtar kelgende orny bólek baklavanyń ataýy da alýan. Mysaly, «Fystyk sarmasy» – fıstashka jańǵaǵy ezilgen qamyrǵa oralǵan desert. Baklavanyń túri men pishini de ártúrli.

Taǵy bir dástúrli túrik deserti – kúnefe. Dastarqanǵa ystyq kúıinde beriletin kúnefe qamyryna eritilgen syr men qant shyryny quıylyp, ústine úgitilgen fıstashka jańǵaǵy sebiledi. Túrkıadaǵy eń tátti kúnefe eldiń ońtústik-shyǵysynda kezdesedi. Al hataılyq eń máshhúr «Antaká kúnefesi» Eýropalyq odaqtyń «Qorǵalatyn geografıalyq mura» sanatynda.

www.gotürkiye.com