Jaslan Mádiev tsifrlyq damý, innovatsiialar jáne aeroǵarysh ónerkásibi ministri bolyp taǵaiyndaldy, dep habarlaidy Dalanews.kz.
"Memleket basshysynyń Jarlyǵymen Jaslan Hasenuly Mádiev Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri laýazymyna taǵaiyndaldy", - dep habarlady Aqordanyń baspasóz qyzmeti.
Jaslan Mádiev týraly ne belgili
Jaslan Mádiev 1983 jyly Almaty qalasynda dúniege kelgen.
Ál-Farabi atyndaǵy Qazaq ulttyq ýniversitetin, Kolýmbiia ýniversitetin, Massachýsets tehnologiialyq institýtyn támamdaǵan.
Eńbek jolyn 2004 jyly "Alians Bank" AQ Halyqaralyq qatynastar departamentiniń Halyqaralyq qarjy institýttarymen jumys basqarmasynyń mamany bolyp bastaǵan.
2007-2008 jyldary — "Qazyna" turaqty damý qory" AQ korporativtik qarjylandyrý departamentiniń bas menedjeri.
2008 jyly Qazaqstan Respýblikasy Prezidenti Ákimshiliginiń Strategiialyq taldaý jáne zertteýler ortalyǵynda, "Samuryq-Qazyna" ulttyq ál-aýqat qory" AQ-da jumys istedi.
2009-2010 jyldary — "KAZYNA CAPITAL MANAGEMENT" AQ basqarma tóraǵasynyń orynbasary.
2010-2014 jyldary — "Qazaqstannyń damý banki" AQ basqarýshy direktory-múshesi, basqarma tóraǵasynyń orynbasary.
2014-2015 jyldary QR Ulttyq bankiniń qurylymynda basshylyq laýazymdardy atqardy.
2017-2018 jyldary — "Qazaqstan temir joly" ulttyq kompaniiasy" AQ vitse-prezidentiniń mindetin atqarýshy, qarjy jónindegi vitse-prezidenti.
2018 jyly "Qazaqstan temir joly" ulttyq kompaniiasy" AQ qarjy jónindegi basqarma tóraǵasy bolyp taǵaiyndaldy.
2019-2020 jyldary — Qazaqstan Respýblikasynyń Ulttyq ekonomika vitse-ministri.
2020 jylǵy qazannan bastap 2022 jyldyń qańtaryna deiin Qazaqstan Respýblikasynyń Strategiialyq josparlaý jáne reformalar jónindegi agenttigi tóraǵasynyń orynbasary qyzmetin atqardy.
