Almatylyq oqýshylardyń ata-analary balalardyń bos ýaqyty týraly alańdamaıdy, jergilikti atqarýshy organdardyń qoldaýymen tegin seksıalar men mektepten tys úıirmeler uıymdastyrý boıynsha jaǵdaı jasalǵan.
– Almaty ákimdiginiń bul máseledegi ustanymy – bir maǵynaly: balalardyń durys damýy – biz úshin basymdyq. Kerisinshe, biz jabylmaımyz, eski fýtbol alańdaryn jańǵyrtyp, jańa zamanaýı sport keshenderin salamyz, – dedi Erjan Babaqumarov.
Ol balalardy sportpen aınalysýǵa jáne salaýatty ómir saltyn qalyptastyrýǵa, sondaı-aq buqaralyq sportty damytýǵa tartý úshin ótken jyldan bastap Almatyda mektep janyndaǵy sport aımaqtarynyń ınfraqurylymyn damytý júrgizilip jatqanyn aıtty.
Bilim berý mekemeleri janyndaǵy sporttyq ınfraqurylymdy jaqsartý boıynsha jumystar jalǵasýda. Bıyl barlyǵy 61 mektep janyndaǵy sport nysandaryn jańǵyrtý josparlanýda, onda 73 fýtbol, 63 voleıbol jáne basketbol alańdary, sondaı-aq vorkaýt-aımaqtar men júgirý joldary bar.
Bul alańdardyń ashylýy jas urpaqty salaýatty ómir saltyna tartýǵa jáne jańa chempıondardy ósirýge múmkindik beredi. Kásibı mamandarmen jattyǵýǵa bolady, balalar úshin bul úlken yntalandyrý bolady.
Sonymen qatar, Almatyda memlekettik-jeke menshik áriptestik aıasynda 8 sport alańy qalpyna keltirilýde. 4 stadıon boıynsha jumystar aıaqtaldy, qalǵan mektepter boıynsha qurylys-montajdaý jumystary aǵymdaǵy jyldyń jeltoqsan aıyna josparlanǵan.
8 joba boıynsha ınvestısıa somasy 400 mln teńgeden asady. Barlyq qurylyp jatqan ınfraqurylym memleket menshiginde ekenin atap ótý qajet. El Prezıdentiniń buqaralyq sportty damytý týraly tapsyrmasyn iske asyrý jalǵasatyn bolady.
Balalardy tegin sport seksıalarymen qamtýdy keńeıtý úshin jan basyna qarjylandyrý tetigi belsendi qoldanylady. Almatyda 4 jastan 18 jasqa deıingi balalarǵa arnalǵan tegin seksıalarǵa memlekettik sporttyq Tapsyrys sporttyń 71 túri boıynsha júzege asyrylady.
Búginde 24 myń ótinish berýshige vaýcherler tapsyryldy, 18 myń 630 bala sporttyń 26 túri boıynsha oqýǵa kiristi. Eń tanymal seksıalardyń qataryna fýtbol, taekvondo, karate, júzý, dzúdo kiredi.
Sporttyq mekemelermen qatar qalada 100 bos ýaqyt ortalyǵy jumys isteıdi, onda 8 myńnan astam adamdy qamtıtyn 36 sport seksıalary men úıirmeleri tegin negizde qol jetimdi. 2023 jylǵa qaraı ortalyqtar sanyn 200-ge deıin, al aǵymdaǵy jyly qosymsha 50 ortalyqqa ulǵaıtý josparlanǵan.
