Sahnanyń dizainy erekshe - ol festivaldiń basty simvoly - Tambaly petroglifterinde beinelengen Kún basty maqulyqty uqsatatyn bolady.
Búgin Almaty Gallery qabyrǵasynda «AZIIa DAÝYSY. JAŃǴYRÝ...» kórmesi ashyldy. Kórme óte qyzyqty ótýde. Ekspozitsiiada «Aziia daýysy» qoǵamdyq qorynan alynǵan tamasha fotosýretter men bai muraǵat, festivaldiń negizin qalaýshylardyń biri Murat Erǵalievtiń sirek kezdesetin buiymdary, sondai-aq festivaldi jańǵyrtýǵa arnalǵan 200-den astam balalar shyǵarmashylyǵy usynylǵan.
Búgin Medeýde sahnanyń qurylysy aiaqtalyp, onda balalar fleshmobynyń repetitsiiasy ótti.
Al Respýblika saraiynda ártister Aleksandr Beliakovtyń jetekshiligindegi estradalyq-simfoniialyq orkestrmen jattyǵýda.
Qazaq kompozitory, ánshi-kompozitor Erkesh Shákeev "Aziia daýysyn jańǵyrtý – óte mańyzdy jáne kúrdeli sharýa! Men bul týraly estigende ózim de ýaiymdap kettim", - deidi.
"Endi bári jaqsy bolǵanyn qalaimyn! Kóp nárse bizge – aýditoriiaǵa bailanysty! Eger stadion bos bolsa, kúsh-jigeriń qum bolady. Biyl konkýrs bolmasa da, Aziia Daýysy jaqsy shyǵarmashylyq qýat alyp, qansha qiyn bolsa da, oryndalmaityn nárse joq ekenin dáleldedi. Men mynadai orkestrmen qýana óner kórsetemin. Medeýdegi orkestrdiń úni keremet! London koroldik filarmoniiasynyń basqarýshy direktory Djeims Ýiliams maǵan qonaqqa kelip, Medeýdi kórgende: «Endi men osynda oinaýdy armandaimyn!» - dedi. Bul barlyq maǵynada tamasha tiimdi ideia!"
Belgili gitarist ári kompozitor, «Dara» tobynyń negizin qalaýshy Muhtar Súnnatov "Talai talantty ónerpazdardy baýrap alǵan «Aziia daýysy» halyqaralyq baiqaýynyń qaita oralǵanyna qatty qýandym! Onda men top quramynda jáne jekelei eki márte diplomant bolǵanmyn. Festival qanshama talantty jasty biriktirdi, shabyttandyrdy" - dep, óz pikirimen bólisti.
Kórermenderdi sahnada juldyzdardyń óner kórsetýinen basqa, kóptegen qyzyqty oiyndar kútýde. Qazaqstandaǵy jetekshi mobilograf, Aziia daýysy ambassadory Qyran Talapbektiń jetekshiligimen mobilograftar baiqaýy ótpek. Jeńimpazdarǵa IPhone 14 Pro Max, IPhone 14, Apple Watch syndy baǵaly syilyqtar buiyrady.
Qatysý erejeleri:
[perfectpullquote align="full" bordertop="false" cite="" link="" color="" class="" size=""]
1. Festivaldiń kez kelgen kúninde kontserttiń videosyn túsirý (úsheýinen de túsirýge bolady);
2. Videony 30 shilde, saǵat 19:00-ge deiin óz Instagram paraqshasyna jariialaý;
3. @armanzhan @kyran_talapbek @voice_of_asia_official akkaýnttaryn belgileý;
4. #konkýrs_mobilografov_AziiaDaýysy2023 heshtegin qoiý;[/perfectpullquote]
Jeńimpazdar 30 shildede ótetin «Aziia daýysy ańyzdary» kontsertinde belgili bolady.
Sondai-aq, 30 shildede ótetin kontsertke bilet satyp alǵandar arasynda Chevrolet Onix avtokóliginiń utys oiyny ótedi. Allur Auto usynǵan bul keremet syilyq kelýshilerge tańǵajaiyp emotsiialardy bastan keshirip, avtokólikke ie bolý múmkindigin syilaidy.
Almaty qalasynyń ákimdigi kórermenderdiń Medeýge ońai jetip, qalaǵa jyldam oralýyn qamtamasyz etti. Festival kezinde qosymsha avtobýs baǵyty iske qosylmaq. Sátbaev pen Baitursynov qiylysynan avtobýstar saǵat 14:00-den 24:00-ge deiin 10-15 minýt aralyqpen júretin bolady. Bir baǵytqa júrý quny 150 teńge.
Festival demeýshilik pen aqparattyq qoldaýdyń arqasynda múmkin bolǵanyn esterińizge salamyz! Halyk Bank «Aziia daýysy-2023» festivaliniń bas seriktesi jáne teń uiymdastyrýshysy bolyp tabylady. «Qazaqstan Halyq Banki» AQ Basqarma tóraǵasynyń orynbasary Dáýren Sartaevtyń aitýynsha, Halyk bank klientteri men qonaqtaryna festival kúnderi baǵaly syilyqtarǵa bai kóptegen is-sharalar daiyndaǵan.
«Aziia Daýysynyń bolashaǵy zor dep senemiz. Biyl festival jaqsy restartpen oralmaq. Mýzyka merekesi ońtústik astana turǵyndary úshin ǵana emes, sonymen qatar álemniń túkpir-túkpirinen keletin týrister úshin jyl saiynǵy tartý bolady», - dep túiindedi ol.
Dalanews.kz, «Qala men Dala» gazeti, DALA INSIDE telegram arnasy - "Aziia Daýysy - 2023" baiqaýynyń aqparattyq seriktesteri bolyp tabylady!
