Túrkistan oblysyna Azıa damý bankiniń ókilderi kelip, Qazaqstan men Ózbekstan arasyndaǵy halyqaralyq ónerkásiptik kooperasıa ortalyǵynyń transulttyq dáliziniń áleýetin paıdalaný máselelerin zerdeledi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Osy maqsatta Túrkistan oblysyndaǵy Saryaǵash, Maqtaaral, Keles aýdandary men aımaq ekonomıkasynyń ınvestısıalyq jáne kóliktik-logıstıkalyq áleýetimen tanysty.

Azıa damý bankiniń Qazaqstandaǵy operasıalary ekonomıkalyq ártaraptandyrýdy, ınklúzıvti damýdy jáne ornyqty ósýdi qoldaýǵa baǵyttalǵan.

ADB sonymen qatar Qazaqstannyń Ortalyq Azıa óńirlik ekonomıkalyq yntymaqtastyq baǵdarlamasyna belsendi qatysýyn qoldaıdy.

Aıta keteıik, Azıa damý bankiniń ókilderine oblystyń ınvestısıalyq áleýetin arnaıy tanystyrý súıemeldeý jumystaryn «Turkistan invest» ınvestısıa tartý jáne eksportty damytý agentigi júrgizdi.